Va Ukrainie za narkotyki zatrymali biełaruskaha dobraachvotnika. Pahražaje da 12 hadoŭ
37-hadovaha hramadzianina Biełarusi vinavaciać u niezakonnym abarocie narkotykaŭ u asabliva bujnym pamiery.
Biełarus byŭ zatrymany 23 studzienia palicyjaj u Chmialnickim, dzie jon žyŭ.
U jaho kanfiskavany pakiet z kryštaličnym rečyvam, jakoje, jak vyznačyła ekśpiertyza, było sintetyčnym narkotykam PVP. Ahułam u biełarusa było 300 hramaŭ narkotyka Alfa-PVP.
Źviestki siłavikoŭ pra zatrymanaha supadajuć z dadzienymi eks-vajskoŭca «Pałka Kalinoŭskaha» Juryja Harupu.
U pres-słužbie Pałka Kalinoŭskaha «Našaj Nivie» paviedamili, što Juryj Harupa pakinuŭ padraździaleńnie ŭ śniežni 2022 hoda. Apošnim miescam jaho słužby byŭ 2-hi Internacyjanalny lehijon Uzbrojenych sił Ukrainy.
Raniej paviedamlałasia, što ŭ biełaruskaha dobraachvotnika niby prablemy ź lehalizacyjaj i jon aściarahajecca pakidać Ukrainu, bo nazad jaho nie puściać. Da taho ž jamu nie była vypłačanaja kampiensacyja za ranieńni.
Juryj Harupa pryjechaŭ va Ukrainu paśla akupacyi Krymu ŭ 2014 hodzie. Pierad tym žyŭ u Polščy.
Pazyŭny Harupy «Chmiel», jon byŭ u šerahach «Pravaha siektaru».
Kali pačałasia poŭnamaštabnaja vajna dałučyŭsia da biełaruskaj roty pry «Azovie».
U krasaviku 2022 hoda Harupa byŭ paranieny.
Jamu razarvała całkam levuju ścienku mačavika. Była razdroblenaja tazavaja kostka, pierabityja niervy na pravaj ruce, razarvanaja bubiennaja bałona pravaha vucha, a taksama razarvanaja siatčatka pravaha voka. Daviałosia vydalić častku straŭnika. Jašče mieŭ kantuziju. Ź pieradavoj jaho evakujavali.
Juryj Harupa ŭ traŭni 2022 hoda płanavaŭ viarnucca na front, kali akryjaje.
«Naša Niva» — bastyjon biełaruščyny
PADTRYMAĆHladzicie taksama:
U Vilni zahinuŭ dobraachvotnik pałka Kalinoŭskaha. Palicyja ŭziała pad vartu druhoha eks-kalinoŭca
Kamandzirka evakuacyi raskazała, čamu pakidaje połk Kalinoŭskaha i čym budzie zajmacca dalej
Połk Kalinoŭskaha pradstaviŭ spravazdaču ź niezaležnaha aŭdytu
Niekalki biełarusaŭ syšli z Pałka Kalinoŭskaha i nazvali novaje padraździaleńnie «Tanha-Ramea»
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary