Prezident Ukrainy Uładzimir Zialenski ahučyŭ kolkaść ukrainskaj armii, nazvaŭšy jaje miljonnaj. Pavodle jaho słoŭ, havorka idzie pra 880 tysiač. Pra heta paviedamlaje RBK-Ukraina sa spasyłkaj na zajavu Zialenskaha niamieckamu telekanału ARD.
«U nas 880 tysiač. U nas miljonnaja armija. I ŭ toj ža čas u nas zaraz 30 miljonaŭ čałaviek, kankretna 30 miljonaŭ ciapier pracujuć, a moža, navat krychu bolš. Ja nie mahu skazać dakładnuju ličbu», — skazaŭ Zialenski.
Pry hetym jon dadaŭ, što siońnia dakładna nieviadoma, kolki ludziej zjechała z pačatku poŭnamaštabnaj vajny, nazvaŭšy ličbu ŭ dyjapazonie 6,5 — 7,5 młn. čałaviek.
«Tamu my havorym pra ŭsich ludziej va Ukrainie. I ŭsie jany abaraniajuć Jeŭropu i śviet. Biezumoŭna. Na svaich pracoŭnych miescach», — dadaŭ Zialenski.
U śniežni 2023 hoda prezident Uładzimir Zialenski ahučyŭ kolkaść Suchaputnych vojskaŭ Ukrainy. Pavodle jaho słoŭ, u Suchaputnych vojskach vajujuć amal 600 tysiač vajskoŭcaŭ roznych rodaŭ vojskaŭ.
U śniežni minułaha hoda prezident Rasii Uładzimir Pucin nazvaŭ kolkaść rasijskaj hrupoŭki va Ukrainie. Pavodle jaho słoŭ, u zonie bajavych dziejańniaŭ va Ukrainie tady znachodziłasia 617 tysiač vajskoŭcaŭ. Ci ŭklučaje heta ličba rasijskija straty, nieviadoma. Raźviedka ZŠA ličyć, što Rasija na vajnie va Ukrainie straciła zahinułymi i paranienymi 315 tysiač čałaviek.
-
Pavietranuju prastoru Polščy parušyli šmatlikija bieśpiłotniki. Zakryvalisia aeradromy, drony źbivała avijacyja NATA
-
Zialenski: Pucin skazaŭ Trampu, što zachopić Danbas za try-čatyry miesiacy
-
Rasija naniesła masiravany ŭdar rakietami i dronami pa Ukrainie. Polšča zakryvała aeraporty Varšavy i Lublina z-za šachiedaŭ
Kamientary