Prezident Litvy schadziŭ na miuzikł za košt dziaržavy i narvaŭsia na niepryjemnaści
Kvitki na śpiektakl dla Hitanasa Naŭsiedy i jaho žonki taksama varta ličyć niezakonnym padarunkam, što zabaroniena zakonam ab uzhadnieńni hramadskich i pryvatnych intaresaŭ, zajaŭlajuć u Vilni.
Hałoŭnaja kamisija pa słužbovaj etycy ŭ aŭtorak pastanaviła, što Hitanas Naŭsieda i pasoł u Vialikabrytanii Ejtvidas Bajarunas, naviedaŭšy miuzikł «Pryvid opiery», parušyli Zakon ab uzhadnieńni hramadskich i pryvatnych intaresaŭ. Kamisija pastanaviła, što naviedvańnie nasiła pryvatny charaktar, pry hetym apłačana jano było za košt srodkaŭ pasolstva, piša Delfi.lt.
«HKSE na pasiadžeńni adnahałosna pastanaviła, što prezident Litoŭskaj Respubliki Hitanas Naŭsieda i ambasadar Ejtvidas Bajarunas parušyli pałažeńni Zakona ab uzhadnieńni hramadskich i pryvatnych intaresaŭ», — zajaviŭ žurnalistam u aŭtorak staršynia HKSE Hiedyminas Sakałaŭskas.
U vyniku rasśledavańnia była zroblena vysnova ab tym, što prezident Naŭsieda skarystaŭsia svaim statusam i stanoviščam u asabistych metach — dla atrymańnia kvitkoŭ na śpiektakl.
Kvitki na śpiektakl dla prezidenta i jaho žonki taksama varta ličyć niezakonnym padarunkam, što zabaroniena zakonam ab uzhadnieńni hramadskich i pryvatnych intaresaŭ.
«Kamisija vyjaviła parušeńni dvuch artykułaŭ. Pieršaje — jon skarystaŭsia svaim słužbovym stanoviščam i słužbovym statusam dla atrymańnia asabistaj vyhady, a druhoje — tamu, što jon niezakonna pryniaŭ padarunak, prymać jaki zabaroniena zakonam», — zajaviŭ staršynia HKSE. Kamisija taksama pastanaviła, što E. Bajarunas parušyŭ pałažeńni zakonu, jakija abaviazvajuć jaho biesstarońnie, sumlenna i dobrasumlenna vykonvać słužbovyja abaviazki. Hetyja pałažeńni taksama zabaraniajuć vykarystańnie słužbovaha stanovišča i słužbovaha statusu ŭ asabistych metach i dazvoł inšym asobam vykarystoŭvać majomaść, jakaja naležyć dziaržavie abo municypalitetam, u inšych metach akramia słužbovych, padkreślivaje HKSE.
Adnosna ambasadara kamisija zajaviła, što byli parušanyja patrabavańni 3 artykułaŭ. Pieršaje, što jon nienaležna vykonvaŭ svaje słužbovyja abaviazki, druhoje, što jon taksama vykarystaŭ svajo słužbovaje stanovišča i status u asabistych metach, i treciaje, što jon vykarystaŭ i dazvoliŭ vykarystoŭvać dziaržaŭnuju majomaść u inšych metach akramia słužbovych», — skazaŭ staršynia HKSE. Naviedvańnie teatra prezidentam, pasłom i ich žonkami ŭ mai 2023 hoda było apłačana za košt srodkaŭ pasolstva. Pa słovach staršyni HKSE, kvitki na mierapryjemstva kaštavali bolš za 1600 jeŭra.
«Kamisija ŭstanaviła, što hetaje mierapryjemstva nasiła pryvatny charaktar i aficyjnych sustreč z pradstaŭnikami abo lidarami inšych krain nie było. Heta aznačaje, što takija mierapryjemstvy nieabchodna apłačvać z asabistych srodkaŭ», — padkreśliŭ H. Sakałauskas. U svaju čarhu MZS zajaŭlaje ab namiery najbližejšym časam vyvučyć rašeńnie HKSE i źviazanyja ź im materyjały.
«Najbližejšym časam MZS razhledzić rašeńnie i spadarožnyja materyjały. My pavažajem instytut HKSE i vystaŭlajem najvyšejšyja standarty prazrystaści», — zajaviła ahienctvu Elta pres-sakratarka ministra zamiežnych spraŭ Paŭlina Lavickicie.
«Inšyja kandydaty nie majuć takoj mahčymaści». U Litvie Naŭsiedu raskrytykavali za toje, što jon abviaściŭ pra druhi termin, sklikaŭšy žurnalistaŭ u Prezidencki pałac
Prezident Litvy: Rasija choča kinuć vyklik usiamu NATO
Prezidenty Polščy, Litvy i Łatvii admovilisia fatahrafavacca ŭ Dubai z Łukašenkam
Ciapier čytajuć
Daviedalisia, jak žyvie Siarhiej «Chłopatnaje dzielca» Mironaŭ6
Kamientary
21 viek na dvorie, a nie 19!