U Rasiju letaś źjeździła rekordnaja kolkaść biełaruskich turystaŭ
U studzieni-vieraśni 2023 hoda hramadzianie Biełarusi ździejśnili 191 tys. pajezdak u Rasiju, što na 89% bolš, čym za anałahičny pieryjad 2022 hoda. Pra heta skazaŭ namieśnik ministra ekanamičnaha raźvićcia Rasii Dźmitryj Volvač, paviedamlaje pres-słužba viedamstva.
«Turystyčny patencyjał Rasii i Biełarusi vielizarny i ŭnikalny, a družalubnyja adnosiny pamiž našymi narodami majuć mocnyja histaryčnyja i kulturnyja suviazi.
Za try kvartały 2023 hoda ŭjazny turpatok biełaruskich hramadzian u Rasieju pierasiahnuŭ nie tolki pakazčyk 2022 hoda, ale i pakazaŭ maksimalnaje značeńnie za apošniaje dziesiacihodździe», — zajaviŭ rasijski čynoŭnik.
Akramia taho, pavodle źviestak MUS Rasii, u 2022 hodzie ŭ susiedniaj krainie pracavała 430 tysiač biełarusaŭ. U śpisie rasijskich hastarbajtaraŭ pa krainach prybyćcia hramadzianie Biełarusi zajmali 4-je miesca.
U toj ža čas MUS Biełarusi paviedamlała, što za pieršaje paŭhodździe 2023 hoda pa aficyjnych kanałach u Rasii pracaŭładkavałasia tolki 2 460 biełarusaŭ. U 2022 hodzie takich naličvałasia 2 739 čałaviek.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary