Hramadstva

Ci stała składaniej prachodzić biełaruska-litoŭskuju miažu paśla taho, jak pastrožyli pravierku biełarusaŭ

Tydzień tamu ŭrad Litvy ŭchvaliŭ prapanovu ab stražejšym kantroli biełarusaŭ na miažy. Pahladzieli, jak hetyja źmieny paŭpłyvali na praces.

Ilustracyjny zdymak. Fota: Dziaržaŭny pamiežny kamitet

Lehkavy transpart

Zhodna z novymi praviłami, kali biełarusy buduć pierasiakać miažu pa šenhienskaj vizie, litoŭskija pamiežniki abaviazany dadatkova acanić ryzyki i pry nieabchodnaści pravieści bolš detalovuju pravierku.

Pavodle danych ad Dziaržpahrankamiteta, za apošnija sutki praź biełaruska-litoŭskuju miažu prajechała 966 adzinak lehkavoha transpartu. 4 lutaha — 1063 adzinki. A 1 lutaha — 988.

Da pryniaćcia rašeńnia ab bolš strohim kantroli ŭ dačynieńni da biełarusaŭ situacyja vyhladała tak:

31 studzienia — 964;
30 studzienia — 961; 
29 studzienia — 1000;
26 studzienia — 1113; 
21 studzienia — 1027;
15 studzienia — 941.

Vyhladaje, što asablivych źmien nie adbyłosia. Jak i da pryniaćcia novaha paradku, ciaham sutak praź miažu ź Litvoj prajazdžaje kala 1000 adzinak lehkavoha transpartu.

Hruzavy napramak

Niama vialikaj roźnicy ŭ kolkaści aformlenaha hruzavoha transpartu.

Kali ŭ 20-ch čysłach studzienia na ŭsich čatyroch punktach propusku ź Litvoj za sutki afarmlali ad 323 da 400 aŭto, to ŭ pieršyja dni lutaha — ad 255 da 365. Pry hetym možna vyłučyć punkt propusku «Pryvałka» («Rajhardas» ź litoŭskaha boku). Tam prapusknaja zdolnaść za sutki źniziłasia.

Ilustracyjny zdymak. Fota: Dziaržaŭny pamiežny kamitet

Kali ŭ studzieni heta było kala 80-100 vialikahruzaŭ, to ŭ lutym praz hety punkt propusku afarmlali ŭžo nie bolš za 57 vialikahruzaŭ. Za apošnija sutki było aformlena ŭsiaho 18 hruzavikoŭ.

Što kažuć ludzi?

Mierkavańni ludziej, jakija ŭ apošnija dni pierasiakali miažu ź Litvoj, roznyja. Adnyja kažuć, što ničoha nie źmianilisia, inšyja adznačajuć, što na litoŭskim baku da ich było našmat bolš pytańniaŭ, čym raniej.

«Jechaŭ dniami praz «Bieniakoni». U bok Litvy ŭsio było, jak zaŭždy, a na vyjeździe ź Litvy ŭ Biełaruś u mianie paprasili pravy kiroŭcy, strachoŭku, cikavilisia pra metu vizitu ŭ Litvu. Raniej takich pytańniaŭ nichto nie zadavaŭ», — adznačaje surazmoŭca.

Inšy čytač 3 lutaha taksama viartaŭsia ŭ Biełaruś, tolki praz punkt propusku «Pryvałka». Mužčyna naadvarot adznačyŭ, što zabyŭsia, kali tak chutka prachodziŭ praź miažu.

«Dźvie miažy prajšli za 1,5 hadziny. Na dziva chutka pracavali ŭsie, jak litoŭcy, tak i biełarusy», — kaža čytač.

Tema ŭviadzieńnia dadatkovaha kantrolu aktyŭna abmiarkoŭvajecca ŭ admysłovych čatach. Ale i tam niama vyraznaha razumieńnia, ci niešta źmianiłasia.

Niekatoryja karystalniki pišuć, što litoŭcy stali bolš pilna praviarać tych, chto jedzie pa pracoŭnaj polskaj vizie. Nibyta tych, chto nie mieŭ pry sabie pracoŭnaha kantrakta, nakiroŭvali nazad u Biełaruś. Ludziej z pracoŭnymi vizami i kantraktami na rukach prapuskali biez prablem.

Horš užo nie stanie? 

Tym nie mienš, zaściarohi, što prachodžańnie miažy ŭskładnicca, majuć pryčyny. Asabliva paśla taho, jak u Litvie zahavaryli pra mahčymaje zakryćcio punktaŭ propusku «Rajhardas» («Pryvałka» ź biełaruskaha boku) i «Łavaryški» («Katłoŭka»). 

Z takoj prapanovaj vystupiła litoŭskaja Kamisija pa nacyjanalnaj biaśpiecy (KNB). Ale kančatkovaje rašeńnie hetaha pytańnia za ŭradam.

Kali jon prysłuchajecca da prapanovy KNB, na biełaruska-litoŭskaj miažy dziejnymi zastanucca tolki dva punkty propusku: «Miedniki» («Kamienny Łoh») i «Salečniki» («Bieniakoni»). 

Z poŭnym śpisam prapanavanych abmiežavańniaŭ možna aznajomicca pa spasyłcy.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia1

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Usie naviny →
Usie naviny

Pamierła 37-hadovaja aktrysa Kaciaryna Arłova

U Turcyi źbirajucca zabaranić šviedskija stały ŭ hatelach i restaranach. Miljony ton ježy vykidajucca10

Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»31

«My płanavali da 9 maja heta zrabić, ale kiroŭcy pajšli na Vialikdzień u zapoj». Kiraŭnik SBU raskazaŭ padrabiaznaści pra apieracyju «Pavucińnie»4

Kerałajn Livit: Mahčyma, u budučyni płanujecca pajezdka Trampa ŭ Rasiju10

«Nie źviazana z vajskovymi vučeńniami». Mintrans Litvy prakamientavaŭ skasavańnie rejsaŭ ź Biełarusi6

Zialenski paviedamiŭ pra «dobryja naviny» i raskazaŭ, što adbyłosia kala Dabrapolla2

«Źmiei paśladoŭna ŭcirajucca ŭ davier». Azaronak nie pakinuŭ kamienia na kamni ad znakavych prarasijskich aktyvistaŭ16

«Nie vypuskaje Litva». Čamu pieravozčyki masava admianili aŭtobusy pamiž Minskam i Vilniaj?5

bolš čytanych navin
bolš łajkanych navin

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia1

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić