Pasoł Biełarusi ŭ Rasii nazvaŭ absurdam mierkavańnie pra stratu suvierenitetu z-za intehracyi z Rasijaj
Na dumku Dźmitryja Krutoha, z-za aktyŭnaj pracy na rasijskim rynku hłupstva kazać pra stratu Biełaruśsiu niezaležnaści.
«Heta absalutny absurd. Navat zychodziačy z prostaj rečy: naša damova ab sajuznaj intehracyi padpisana ŭ 1999 hodzie. U hetym hodzie jubilej — 25 hadoŭ. Bazavy pieršy punkt, pieršy błok, hałoŭnaja pieršaja meta — heta adzinaja ekanamičnaja prastora. Heta značyć usio toje, čym my ciapier zajmajemsia, heta sproba pabudavać hetuju adzinuju ekanamičnuju prastoru, stvaryć roŭnyja ŭmovy dla našych vytvorcaŭ, dla pracy na rasijskim rynku, dla rasijskich vytvorcaŭ, dla pracy ŭ Biełarusi», — raskazaŭ Dźmitryj Kruty.
«Usio heta absalutnaja hłupstva. Hetaja mantra daŭnym-daŭno sastareła.
Źjaŭlajučysia pradstaŭnikom Biełarusi i ŭ Suśvietnym banku, i ŭ Jeŭrapiejskim banku rekanstrukcyi i raźvićcia, u svaich papiarednich pasadach pravioŭšy sotni pieramoŭ i z palityčnymi kołami Zachodniaj Jeŭropy, i z kiraŭnikami kankretnych pradpryjemstvaŭ, ja moh raskazać, što prapanoŭvałasia nam u toj čas mienavita ŭ častcy inviestycyj.
Bo my zaŭsiody prapanoŭvali im stvarać pradpryjemstvy ŭ našaj respublicy», — dadaŭ jon.
Jon zaznačyŭ, što finansavyja instrumienty na toj momant pa ŭzroŭni pracentnych stavak byli davoli pryvabnymi.
«Ale asablivych inviestycyjnych prajektaŭ, na žal, nie atrymałasia. Za vyklučeńniem adzinkavych prykładaŭ. Bo pieršaj umovaj, jakuju jany vystaŭlali, zaŭsiody heta byŭ pramy dostup na rasijski rynak. Atrymlivajecca absalutny paradoks.
Zachodnija inviestycyi, jakija nie razhladalisia na toj momant našymi apanientami jak strata našaha suvierenitetu, da nas nie išli, tamu što nie było pramoha dostupu na rasijski rynak. Ciapier, kali my sprabujem hety dostup i biasšvoŭnuju ekanamičnuju prastoru vybudavać z Rasijaj, razhladajecca… absalutnaja hłupstva.
Nam treba rabić svaju spravu i realizoŭvać tyja prahramy i namiečanyja płany, jakija zaćvierdzili našy prezidenty», — padsumavaŭ jon.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie22
Kamientary