«Vybary-biazvybary». Alternatyŭnyja roliki pra 25 lutaha — u adnym ź ich źniaŭsia RSP
Incyjatyva «Sumlennyja ludzi» vypuścili sieryju rekłamnych rolikaŭ da «Adzinaha dnia hałasavańnia» ŭ miežach kampanii «My vartyja lepšaha». Arhanizacyja choča, kab jak maha bolš biełarusak i biełarusaŭ daviedalisia praŭdu pra budučyja vybary.
«Sumlennyja ludzi» kažuć, što z dapamohaj rekłamy možna danieści infarmacyju da tych ludziej, jakija pa roznych pryčynach pierastali sačyć za palitykaj.
U adnym z rolikaŭ źniaŭsia vakalist hurta RSP Dzianis Tarasienka ŭ vobrazie aŭtaślesara.
— Jany nazyvajuć heta «Adziny dzień hałasavańnia». A nasamreč heta treniroŭka zatykać raty! Voś kab ty siadzieŭ doma i dumaŭ, Davajcie bieź mianie! Ale dla Biełarusi niama aŭtaservisu. Jaje nielha kamuści addać i čakać, kab tam usio dobra zrabili, — kaža Dzianis Tarasienka.
Jość rekłama, padobnaja na jutub-šou, u jakim minakoŭ prosiać spavivać niemaŭla. Atrymlivajecca ŭ ich, viadoma, nie vielmi. Akcior pravodzić anałohiju z budučymi «vybarami»:
— A ciapier ujavicie, što hetak ža niazhrabna buduć kiravać krainaj deputaty, jakich pryznačać hetaj zimoj. 25 lutaha ŭ Biełarusi projdzie tak zvany adziny dzień hałasavańnia. Na im razdaduć pasady tysiačam miascovych deputataŭ i sfarmirujuć Pałatu pradstaŭnikoŭ, jakaja budzie pradstaŭlać kaho zaŭhodna, ale nie intaresy vas i vašych dziaciej.
Watch on TikTok
«Sumlennyja ludzi» prapanujuć skarystacca kampanijaj i źviarnuć uvahu tych, chto stamiŭsia ad palityki, na toje, što adbyvajecca ŭ krainie. I raskazać im pra toje, što «deputataŭ» nasamreč pryznačać, a nie vybieruć, i pra toje biezzakońnie, jakoje praciahvajecca ŭ Biełarusi.
Ciapier čytajuć
Novym śpikieram Kaardynacyjnaj rady, chutčej za ŭsio, stanie Arciom Bruchan3
Kamientary
Łukašenkiny "vybary" nie źjaŭlajucca palitykaj.
Praŭdu pra łukašenkin fars viedajuć usie daŭnym-daŭno. A z 2020ha dyk dakładna usie pahałoŭna viedajuć.
Lepšym varyjantam zaŭsiody źjaŭlajecca niejkaje kalektyŭnaje alternatyŭnaje dziejańnie. U vypadku z "adzinym dniom pryznačeńnia" heta mahli b być vybary ŭ Kaardynacyjnuju Radu, ale dziejny skład Rady na čale ź Jahoravym pravaliŭ hetuju mahčymaść. Bo łyžka patrebnaja da abiedu, a nie praz 2 miesiacy.
Treba iści. I chaj matyvacyja ad "sumlennych ludziej" vyhladaje nadta ścipła i nievyrazna. I chaj niama navat dobraha hasła. Ale navat u hetaj situacyi varta ŭzhadać słovy spadara Knyroviča:
- Ja zaŭsiody vydatna razumieŭ, što nijakich vybaraŭ niama. Ale ja zaŭsiody chadziŭ na "vybary". Prynamsi dziela taho, kab na kroplu ŭskładnić spravu tym, chto budzie falsifikavać hetyja vybary.
Kali ludzi pryjduć - heta moža stvaryć niepryjemnyja niečakanaści dla režymu. Jak niečakanaściu i mocnaj traŭmaj dla łukašenki stali 17.08.2020 vokličy "Uchodi!" naŭprost ŭ jahony tvar ad procoŭnych MZKT. Jak niečakanaściu dla Čaŭšesku staŭ jahony apošni mitinyh 21.12.1989.
Kali nichto nia vyjdzie - ničoha nie adbudziecca dakładna.