Praz kamisiju pa viartańni ŭ Biełaruś pryjechali «kala 10 čałaviek»
Za čas pracy tak zvanaj kamisii pa viartańni jaje pastupiła 150 zajaŭ, ź ich 37 adpaviadali patrabavańniam uładaŭ. Kala dziesiaci čałaviek viarnulisia ŭ Biełaruś. Pra heta paviedamiŭ hienieralny prakuror Andrej Švied.
Pavodle jaho słoŭ, za čas pracy kamisii na razhlad pastupiła 150 zajaŭ, ź ich razhledžana 37, jakija adpaviadali ŭsim nieabchodnym patrabavańniam. Jak adznačyŭ hienprakuror, prymalisia roznyja rašeńni, adnak «kala dziesiaci asobaŭ viarnulisia i praciahvajuć žyć u Biełarusi».
«Ź liku tych, chto viarnuŭsia na radzimu, 5-6 čałaviek dobraachvotna raskazali pra tyja ŭmovy, u jakich jany pražyvali za miažoj, i dziakujuć za mahčymaść viarnucca ŭ Biełaruś», nie zdoleli dakładna padličyć siłaviki.
U hetym hodzie ŭ kamisiju pastupiła ŭžo 12 zajaŭ, paviedamiŭ Švied.
Kamisiju, što razhladaje spravy emihrantaŭ, jakich na radzimie mohuć vinavacić pa «ekstremisckich» artykułach, stvaryli ŭ lutym 2023 hoda. Jaje pracu praciahnuli i na hety hod.
Apublikavali skład kamisii, jakaja budzie vyznačać los «źbiehłych». Jon demanstratyŭna adyjozny
«Tovariŝ prokuror, pohovori so mnoju». Stvareńnie kamisii pad kiraŭnictvam Švieda natchniła na tvorčaść Paŭła Libiera VIDEA
Prakuratura zajaviła pra pieršy zvarot u «kamisiju dla emihrantaŭ». A heta była redaktarka «Biełsata»
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary