Za try dni praz učastki ŭžo nibyta prahnali čverć vybarščykaŭ
Centralnaja vybarčaja kamisija ŭviečary 22 lutaha paviedamiła, što za try dni, jakija idzie daterminovaje hałasavańnie, pryjści na ŭčastki spravilisia 24,44% ad ahulnaj kolkaści hramadzian, uklučanych u śpisy vybarščykaŭ.
Siarod rehijonaŭ najbolšuju spraŭnaść u zabiaśpiačeńni patrebnych vynikaŭ pakazvajuć viertykalščyki Homielskaj vobłaści — 30,68% ad tych, chto nibyta prahałasavaŭ, zatym iduć Mahiloŭskaja — 26,07%, Bresckaja — 25,48%, Minskaja — 23,56%, Viciebskaja — 23,39% i horad Minsk — 21,35%. U chvaście placiecca Hrodzienščyna na čale z Uładzimiram Karanikam — «usiaho» 20,30%.
U 2019-m za piać dzion daterminovaha hałasavańnia prahałasavali 35,77 pracenta, u 2016-m — 31,3 pracenta, u 2012-m — 26 pracentaŭ. Hetym razam łukašysty vidavočna nacelenyja stavić rekordy: miarkujučy pa ŭziatych tempach, možna raźličvać navat na toje, što daterminova moža «prahałasavać» navat pałova vybarščykaŭ.
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy6
Kamientary