Ukrainski bieśpiłotnik nanios udar pa Navalipieckim mietałurhičnym kambinacie
Pavodle niepaćvierdžanaj śpiecsłužbami infarmacyi, pažar uźnik z-za «padzieńnia latalnaha aparata».
Pa danych Novalipieckaha mietałurhičnaha kambinata, na terytoryi koksachimičnaj vytvorčaści «adbyŭsia chłapok», pažar byŭ łakalizavany. Pavodle niepaćvierdžanaj śpiecsłužbami infarmacyi, pažar uźnik praz «padzieńnie latalnaha aparata», skazaŭ Ihar Artamonaŭ, piša RBK.
«Ahoń patušany, paciarpiełych niama. Pahroza vykidu niebiaśpiečnych rečyvaŭ adsutničaje», — napisaŭ jon u telehram-kanale.
Pavodle jaho słoŭ, pa niepaćvierdžanaj śpiecsłužbami infarmacyi, pažar uźnik z-za padzieńnia latalnaha aparata. «Ciapier hetuju infarmacyju i apublikavanyja ŭ sacyjalnych sietkach videa praviarajuć», — dadaŭ Artamonaŭ.
Jon udakładniŭ, što ŭsie słužby rehijona pryviedzieny ŭ režym maksimalnaj hatoŭnaści. Hubiernatar paprasiŭ žycharoŭ «nie paddavacca panicy i daviarać tolki aficyjnaj infarmacyi». «Ciapier takija naviny prychodziać i z susiednich rehijonaŭ», — dadaŭ jon.
Novalipiecki mietałurhičny kambinat — najbujniejšy ŭ Rasii vytvorca stali, heta asnoŭnaja vytvorčaja placoŭka Hrupy NŁMK, havorycca na sajcie pradpryjemstva. Pa vynikach 2021 hoda jaho mahutnaści składali 14,2 młn t.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary