Cichanoŭskaja zaklikała padtrymać zbor na drony dla biełaruskich dobraachvotnikaŭ
«Ja viedaju, što biełaruskaja salidarnaść nie viedaje miežaŭ. I razam my zmožam zakryć hety zbor i dapamahčy našym bajcam», — kaža demakratyčny lidar Biełarusi.
«Na apošniaj sustrečy z Pałkom Kalinoŭskaha mnie raspaviali, što hrupa aeraraźviedki pałkavoha BPŁA imia Mikity Kryŭcova skončyła kursy kiravańnia FPV-dronami. I zaraz jany adkryli zbor na ich nabyćcio. Na dadzieny momant sabranaja tolki pałova sumy i biez našaj z vami dapamohi nie abyścisia.
Kožny naš danat, jaki idzie na zabieśpiačeńnie bajcoŭ ekipiroŭkaj, technikaj i asabliva dronami, dapamahaje im zachavać žyćci. A dobraachvotniki, u svaju čarhu, robiać usio mahčymaje, kab i va Ukrainie, i ŭ Biełarusi jak maha chutčej nastupiŭ mir — biez dyktaturaŭ, ahresii i hvałtu.
Darahija maje, kali dla vas heta biaśpiečna, padtrymajcie hety zbor. Ja viedaju, što biełaruskaja salidarnaść nie viedaje miežaŭ. I razam my zmožam zakryć hety zbor i dapamahčy našym bajcam», — kaža Śviatłana Cichanoŭskaja.
-
Cichanoŭskaja pavinšavała Maryju Karynu Mačada z Nobieleŭskaj premijaj miru
-
La Instytuta kultury źnieśli saviecki dvuchpaviarchovik. Zakazčykam vystupiła Akademija nacyjanalnaj biaśpieki
-
Cichanoŭskaja: «Siarhieju treba vybrać svoj šlach: albo ty ŭ miedyja i havoryš usio, što chočaš, albo ty ŭ palitycy»
Kamientary