«Mama mija! Heta nie dom, heta drovy». Italjaniec kuplaje biudžetnyja chaty ŭ biełaruskaj hłušy
58-hadovy italjaniec Alide, jaki žyvie ŭ Biełarusi ŭžo šmat hadoŭ, nabyvaje chaty ŭ vioskach — hałoŭnaje, kab voziera ci raka byli pobač. Mužčyna nazyvaje heta svaim chobi.
Pra svajho niezvyčajnaha stałaha klijenta ŭ tyktoku raspaviała ryełtarka Hanna Žuk. Jana pakazvaje ŭ svaim tyktoku abjekty nieruchomaści, jakija možna nabyć ci arandavać. Ale apošnim časam hałoŭnym hierojem jaje videa staŭ stały klijent ź Italii.
Alide žyvie ŭ Biełarusi z 2012 hoda dy pracuje mieniedžaram pa aptovym prodažy kieramičnaj plitki — supracoŭničaje ź vialikimi mižnarodnymi kampanijami.
— Volaju losu Biełaruś stała jaho druhim domam i miescam, dzie jon by chacieŭ pravieści svajo žyćcio. Ideja rekanstrukcyi viaskovych damoŭ uźnikła ŭ Alide niekalki hadoŭ tamu, kali jon stamiŭsia ad mituśni haradskoha žyćcia ŭ Minsku i rašyŭ pierabracca ŭ viaskovy dom u Vilejskim rajonie pobač ź Vilejskim vadaschoviščam.
Ryełtarka śćviardžaje, što hałoŭnaje patrabavańnie jaje zakazčyka — pramoje vyjście da vady. Hanna kaža: kupla viaskovych damoŭ, ich rekanstrukcyja i dalejšy pieraprodaž stali dla Alide chobi i sensam žyćcia.
— Letaś my pradali jaho kvateru ŭ centry Minska i ciapier šukajem novyja damy dla pakupki. U žniŭni minułaha hoda my ŭžo znajšli prydatny dom u pasiołku haradskoha typu.
U adnym videa Hanna pakazała, jak jany pajechali hladzieć paŭrazburany dom u ahraharadku Druja. Stojačy na hanku łaźni, možna pabačyć viosku ŭ Łatvii — miaža pamiž krainami prachodzić pa centry Dźviny.
Miesca, biezumoŭna, vielmi pryhožaje, ale stan budynka nie paradavaŭ zamiežnika:
— Mama mija! Heta nie dom, heta drovy. Jaho treba znosić i budavać novy.
Kamientatary z hetym pahadzilisia. Ale Hanna ŭ kamientaryjach napisała, što ŭłaśnik ličyć chatu całkam narmalnaj i tamu nie hatovy źnižać košt. Havorka idzie pra 8 tysiač dalaraŭ za toj samy dom, łaźniu i ŭčastak kala 9 sotak.
— A dalej my pajedziem hladzieć čarhovuju chatu, ale ŭžo pasiarod lesu ŭ maleńkaj vioscy na čatyry damy, ale ź vielmi cikavaj historyjaj.
«Płanujem pracavać na ziamli»: žančyna ŭ 53 hady pierajechała z Łatvii ŭ Biełaruś. Ci raźličvaje jana na biełaruskuju piensiju?
Zvyčka razuvacca, tradycyja chadzić u hości z łasunkami — što jašče ździŭlaje dziaŭčynu ź Vieniesueły, jakaja žyvie ŭ Biełarusi?
Irłandziec teściruje biełaruskija stałoŭki. Voś jakoj ź ich prapanoŭvaje dać mišlenaŭskuju zorku
Ciapier čytajuć
«Tufli — 400 rubloŭ». Vypuskniki dzielacca, u kolki abyšlisia ich vobrazy2
Kamientary