Pamiž Biełaruśsiu i Rasijaj zapuściać novyja avijarejsy i čyhunačnyja maršruty. Pra heta paviedamiŭ kiraŭnik administracyi Łukašenki Dźmitryj Kruty.
Pavodle słovaŭ Dźmitryja Krutoha, płanujecca pašyreńnie avijaspałučeńnia, u tym liku pamiž abłasnymi haradami Biełarusi i rehijonami Rasii. Novyja rejsy ź Minska mohuć źjavicca ŭ Krasnadar, Uładzikaŭkaz, Vałhahrad, Omsk, Ciumień i Rastoŭ-na-Donie.
Akramia taho, z 15 śniežnia pamiž Maskvoj i Minskam budzie dadatkova kursiravać jašče adna para ciahnikoŭ «Łastaŭka» štodnia. Ciahniki buduć mieć udvaja bolš vahonaŭ — 10 zamiest 5, što dazvolić pieravozić da 30 tysiač pasažyraŭ u miesiac.
Taksama z pačatku 2026 hoda płanujecca adkryć skraznyja ciahniki ŭ maršrutach Viciebsk — Smalensk i Orša — Smalensk.
Biełaruś taksama spadziajecca na chutkaje padpisańnie darožnaj karty z Rasijaj pa budaŭnictvie vysokachutkasnaj čyhunki Maskva — Minsk, jakaja, pavodle Krutoha, budzie pa značeńni supastaŭnaja z budaŭnictvam AES u Astraŭcy.
Važnym kirunkam supracoŭnictva, pavodle słovaŭ čynoŭnika, zastajecca pieravozka biełaruskich ekspartnych hruzaŭ praz rasijskija party. Za 10 miesiacaŭ 2025 hoda abjom pieravozak tolki čyhunačnym transpartam pavialičyŭsia na 3,7% i skłaŭ 13,5 miljonaŭ ton, a pa vynikach hoda čakajecca 16 miljonaŭ ton.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku27
Kamientary