Premjerka Estonii apublikavała fota svajho śniadanka paśla paprokaŭ, što jana «jeść rasiejcaŭ na śniadanak»
Premjer-ministr Estonii Kaja Kałas apublikavała fatahrafiju svajho śniadanku z podpisam: «Moj śniadanak, darahija čytačy Politico».
Heta było svojeasablivym adkazam na artykuł Politico, u jakim ananimnaja krynica śćviardžała, što ŭ ES nie chočuć bačyć Kałas na pasadzie kiraŭnika jeŭrapiejskaj dypłamatyi, bo joj «padabajecca jeści rasiejcaŭ na śniadanak».
«My sapraŭdy pastavim na hetuju pasadu kahości, chto addaje pieravahu jeści rasiejcaŭ na śniadanak?» — zadaŭsia pytańniem surazmoŭca vydańnia.
Jon adznačyŭ, što tema pryznačeńnia Kałas zastajecca «adčuvalnaj» dla ŭładaŭ niekatorych krain Jeŭrasajuza, niahledziačy na toje, što jaje mahčymaje pryznačeńnie na pasadu kiraŭnika dypłamatyi ES niekalki miesiacaŭ abmiarkoŭvałasia siarod vysokapastaŭlenych čynoŭnikaŭ.
Kamientary