Sproba kradziažu kaŭbasy praduchilena na minskim miasakambinacie.
Jak paviedamili ŭ adździaleńni infarmacyi i hramadskich suviaziej HUUS Minharvykankama, arhanizavaŭ kradziež 20‑hadovy hruzčyk pradpryjemstva, jakomu ŭdałosia ŭ prybiralni na terytoryi kambinata schavać 30 batonaŭ kaŭbasy na 400 tys. rubloŭ. Zrazumieŭšy, što samomu vykradzienaje nie vynieści, jon paprasiŭ jašče dvuch čałaviek. Tyja trapili na pradpryjemstva cieraz aharodžu, a voś vynieści pradukcyju čamuści vyrašyli cieraz prachadnuju, razam z hruzčykam.
Rabotnik kambinata pieršym pasprabavaŭ prajści prachadnuju.
Pry sprobie zatrymańnia małady čałaviek kinuŭsia biehčy, hublajučy schavanuju pad adzieńniem kaŭbasu, i jamu ŭdałosia ŭciačy. Jaho chaŭruśniki taksama sprabavali vynieści kaŭbasu pad adzieńniem.
U Kastryčnickim RUUS u dačynieńni da zatrymanych raspačata sprava na padstavie č. 2 art. 205 Kryminalnaha kodeksa (kradziež). Vykradalnikam kaŭbasy pahražaje pazbaŭleńnie voli na termin da čatyroch hadoŭ.
Kamientary