Mižnarodnaja tenisnaja fiederacyja (ITF) na aficyjnym sajcie paviedamiła pra pryniaćcie rašeńnia, zhodna ź jakim spartoŭcam ź Biełarusi i Rasii, jakija zadavalniajuć kryteryjam niejtralnaści, nie stanuć čynicca pieraškody dla vystupu na Alimpijadzie.
«MAK dazvalaje atletam z pašpartami Biełarusi i Rasii ŭdzielničać u suśvietnych spabornictvach, i pazicyja ITF pa hetym pytańni supadaje ź mierkavańniem bolšaści mižnarodnych fiederacyj. Niejtralnyja atlety pavinny buduć tolki adpaviadać kryteryjam adboru na Alimpijskija hulni», — havorycca ŭ relizie ITF.
Takim čynam, biełarusy mohuć raźličvać na zavajovańnie licenzij na roŭnych padstavach ź lubymi kankurentami. Umovy ž kvalifikacyi na Alimpijadu nastupnyja: na momant svojeasablivaj «zamarazki» suśvietnaha rejtynhu nieabchodna znachodzicca ŭ top-56 u mužčynskim i žanočym adzinočnym razradach.
Aryna Sabalenka ciapier druhaja rakietka śvietu, a Viktoryja Azaranka — 30-ja. Inšyja ž biełaruskija tenisistki, a tym bolš tenisisty i tak ni na što nie pretendujuć — ichnija miescy dalokija.
Adziny raz, kali biełarusy brali miedali ŭ tenisie na Alimpijadzie, heta byŭ Łondan-2012. Tady Viktoryja Azaranka ŭ adzinočnym razradzie ŭziała bronzu, a ŭ mikście razam z Maksimam Mirnym vyjhrali zołata.
Ciapier čytajuć
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie77
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie7
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary