Kiraŭnik MZS Litvy pra rašeńnie Biełarusi spynić impart ź Litvy: Heta dobraachvotnyja sankcyi ŭ dačynieńni da siabie
Habryelus Łandśbierhis kaža, što z-za takoha rašeńnia aficyjnaha Minska ŭ biełarusaŭ budzie mienš mahčymaściaŭ kuplać pradukty charčavańnia abo leki, a dla niekatorych eksparcioraŭ heta stanie jašče adnym sihnałam da pošuku novych rynkaŭ, piša Delfi.lt.
«Najbolšy ŭdar budzie pa narodzie Biełarusi, pa-inšamu heta i nie nazavieš, jak uviedzienyja i ŭžytyja suprać siabie sankcyi. U cełym heta vielmi nievialiki, ja b navat skazaŭ, dadatkovy sihnał dla našych eksparcioraŭ da pošuku novych rynkaŭ, pra što my havorym užo daŭno», — žurnalistam u piatnicu skazaŭ H.Łandśbierhis.
«Ale toje, što ŭ naroda Biełarusi, jaki i biez taho žyvie biedna, budzie mienš mahčymaściaŭ kupić pradukty, leki abo inšyja nieabchodnyja srodki, tym ciažej budzie ich žyćcio — heta im padaryŭ ich dyktatar», — skazaŭ palityk.
U čaćvier Biełaruś abviaściła, što pačynaje błakavać impart roznych tavaraŭ ź Litvy ŭ adpłatu za toje, što jaje susiedka zakryła jašče dva pamiežnyja punkty propusku. Litva, dzie znajšli prytułak mnohija aktyvisty biełaruskaj apazicyi, i źjaŭlajecca stojkim prychilnikam Ukrainy, u pačatku sakavika zakryła dva kantrolna-prapusknyja punkty.
Dva inšyja kantrolna-prapusknyja punkty byli začynienyja pa mierkavańniach biaśpieki ŭ minułym hodzie. Biełaruś zajaviła, što novaja zabarona na impart raspaŭsiudžvajecca na šyroki śpiektr tavaraŭ, uklučajučy pradukty charčavańnia i ałkahol, adzieńnie, bytavuju techniku, aŭtazapčastki i budaŭničaje abstalavańnie.
Hety krok «źjaŭlajecca adkazam na pastanovu Litvy spynić patok tavaraŭ, transpartu i ludziej na dvuch pamiežnych kantrolna-prapusknych punktach», paviedamlałasia ŭ zajavie biełaruskaha ŭrada.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia20
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary