Kamisija JUNIESKA ŭklučyła ŭ śpis niemateryjalnaj kulturnaj spadčyny techna-scenu Bierlina. Kamisija JUNIESKA abviaściła pra svajo rašeńnie 14 sakavika, U śpis niemateryjalnych abjektaŭ kulturnaj spadčyny ŭvajšli jašče šeść tradycyj i ramiostvaŭ Niamieččyny, piša Kommersant.ru.
Łutc Łajchsienrynh, člen Vykanaŭčaj rady Clubcommission u Bierlinie, sietki kłubaŭ i prapahandystaŭ kłubnaj kultury, raspavioŭ Deutsche Welle, što rašeńnie JUNIESKA stała «jašče adnoj viachoj dla bierlinskich techna-pradziusaraŭ, artystaŭ, apierataraŭ kłubaŭ i arhanizataraŭ mierapryjemstvaŭ».
«Heta rašeńnie dapamoža nam harantavać, što kłubnaja kultura budzie pryznana kaštoŭnym siektaram, hodnym abarony i padtrymki»,— skazaŭ pradstaŭnik Clubcommission. Bierlinskaja kłubnaja scena da hetaha času pieražyvaje nastupstvy abmiežavańniaŭ z-za COVID-19.
Kampaniju za ŭklučeńnie Bierlinskaj techna-sceny ŭ śpis JUNIESKA pravodziła niekamiercyjnaja arhanizacyja Rave the Planet, arhanizujučy śpiecyjalnyja rejvy ŭ 2022 i 2023 hadach.
Bierlinskaje techna źjaviłasia ŭ kancy 1980-ch hadoŭ: jaho roskvit adbyŭsia paśla padzieńnia Bierlinskaj ściany.
U jakaści tancavalnych placovak, jak praviła, vykarystoŭvali byłyja składskija abo fabryčnyja pamiaškańni. Samy viadomy kłub toj epochi Tresor znachodziŭsia ŭ sklepie schovišča dakumientaŭ śpiecsłužby «Štazi».
U dzievianostyja i nulavyja bierlinskaje techna stała nastolki papularnym, što na viečarynki ŭ stalicy FRH stali pryjazdžać techna-turysty z usiaho śvietu.
***
U śpis niemateryjalnych abjektaŭ kulturnaj spadčyny taksama ŭklučany: alpinizm u Saksonii, tradycyi vykanańnia pieśni «My śpievaki ź Finstervalda», karahod zdaniaŭ Pierchtenłaŭf u bavarskaj hramadzie Kirchzieon, ramiesnyja tradycyi biełaj švalmskaj vyšyŭki, a taksama vytvorčaść sidru fic ź jabłykaŭ, hruš abo ajvy ŭ Tryry.
Śpis niemateryjalnaj kulturnaj spadčyny JUNIESKA byŭ stvorany ŭ 2003 hodzie. Jon zaklikany padtrymlivać i zachoŭvać tradycyi i źjavy kulturnaha žyćcia, uklučajučy muzyku, vieravańni, ramiostvy i hramadskija schody.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»21
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary