Hramadstva77

Chrenin: SMS-pozvy buduć prychodzić u vajenny čas

Ministr abarony raskazaŭ siońnia ŭ Saviecie Respubliki pra navacyi prajekta zakona «Ab źmianieńni zakonaŭ pa pytańniach nacyjanalnaj biaśpieki».

Viktar Chrenin. Fota: BiełTA

Sienatary ŭchvalili siońnia prajekt zakona, jaki padrychtavała Minabarony sumiesna z zacikaŭlenymi dziaržaŭnymi orhanami. Dakumientam praduhledžana karekciroŭka 12 zakonaŭ, piša BiełTA.

«Udaskanalvajecca sistema voinskaha ŭliku, apaviaščeńnia i jaŭki hramadzian na mierapryjemstvy pa pryzyvie.

Uvodzicca abaviazak hramadzian u vajenny čas i pieryjad mabilizacyi źjaŭlacca na punkty zboru paśla abviestki z dapamohaj SMS-paviedamleńnia. U mirny čas SMS-paviedamleńnie budzie dadatkovaj krynicaj infarmavańnia hramadzian.

Spraščajecca paradak miedycynskaha ahladu hramadzian pry ich pryzyvie na vajskovuju słužbu», — raspavioŭ Viktar Chrenin.

Źmianiajecca ŭzrost pieršapačatkovaha pryjomu hramadzian mužčynskaha połu na vajskovy ŭlik z 16 na 17 hadoŭ, što dazvolić maksimalna nablizić vyniki miedycynskaha ahladu hramadzian pry prypiscy i pryzyvie na terminovuju vajennuju słužbu.

«Udakładniajecca pieralik vajennaabaviazanych, jakim dajecca adterminoŭka ad pryzyvu pa mabilizacyi, što daść mahčymaść atrymać adterminoŭku najbolš sacyjalna nieabaronienym katehoryjam hramadzian, — adznačyŭ ministr.

Pašyrany pieralik mierapryjemstvaŭ voinskaha ŭliku i pryzyvu, pry jakich vajennaabaviazanyja vyzvalajucca ad pracy z zachavańniem za imi miesca pracy, siaredniaha zarobku i kampiensacyjaj im vydatkaŭ na prajezd. Orhany dziaržaŭnaj biaśpieki nadzialajucca paŭnamoctvami na składańnie pratakołaŭ ab administracyjnych pravaparušeńniach za niajaŭku biez uvažlivych pryčyn na mierapryjemstvy pa pryzyvie hramadzian, jakija stajać u ich na voinskim uliku».

«Uzmacniajucca sankcyi za ŭčynieńnie pravaparušeńniaŭ suprać paradku prypiski hramadzian da pryzyŭnych učastkaŭ, pryzyvu na vajskovuju słužbu i voinskaha ŭliku.

Tak, pavialičvajecca maksimalny pamier štrafu za pravaparušeńni pa voinskim uliku z 5 da 30 bazavych vieličyń (siońnia 200-1200 rubloŭ).

Praduhledžvajecca mahčymaść udziełu hramadzian na dobraachvotnaj asnovie ŭ vykanańni rabot abaronnaha charaktaru ŭ mirny čas. Vykanańnie takoha vidu rabot budzie ažyćciaŭlacca na płatnaj asnovie, z zachavańniem siaredniaha zarobku pa miescy pracy albo z vypłataj fiksavanych sum dla niepracujučych hramadzian, — dapoŭniŭ Viktar Chrenin.

Vajennyja kamisary ciapier buduć nadzialacca pravam abmiažoŭvać vyjezd za miežy krainy hramadzian, jakija parušajuć abaviazki pa voinskim uliku i ŭchilajucca ad mierapryjemstvaŭ pryzyvu na vajskovuju słužbu.

Raniej abmiežavańnie raspaŭsiudžvałasia na vajskovuju słužbu i nie tyčyłasia katehoryi «pryzyvajucca na vajskovyja zbory».

Kamientary7

  • łukašenka, pucin, rasieja - HETA VAJNA
    20.03.2024
    Skora užo maskva łukašyzikam zahadaje abjavić vajenny čas?
  • Anton
    20.03.2024
    A pridut li na eti pozyvy, etot pieška nie podumał?
  • Y
    20.03.2024
    A što, u vajenny čas budzie pracavać mabilnaja suviaź? Ci Chren budzie pasyłać svaje pozvy pa kabielnych linijach na dyskavyja telefony?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam33

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Usie naviny →
Usie naviny

Ministr zamiežnych spraŭ Litvy sustreŭsia sa Śviatłanaj i Siarhiejem Cichanoŭskimi1

Pamiłavanyja jašče 16 čałaviek9

3 lipienia budzie da +35°S, a na nastupny dzień pachaładaje2

«Voś ubačycie. Praź niekalki tydniaŭ ci dzion». Namioki Łukašenki pra niejkija kroki vyrazali z tekstavaj viersii jaho pramovy15

«Ni ŭ jakim razie ja nie rabiŭ zajavy». Kiełah źniapraŭdziŭ słovy Łukašenki12

Kupiŭ budynak pad restaran za 262 tysiačy rubloŭ. Ciapier učastak chočuć zabrać, kab pabudavać tam… restaran5

«Tym, chto nastalhuje pa saŭku, spadabajecca». Błohier pieranačavaŭ u najhoršych hatelach Biełarusi i padzialiŭsia ŭražańniami12

Prakopjeŭ: Źniźcie ŭzrovień čakańniaŭ. Ja nie baču nivodnaj abjektyŭnaj pryčyny, kab nastupała adliha15

Rasijanina zatrymali z 37 kiłahramami narkotykaŭ u Minsku2

bolš čytanych navin
bolš łajkanych navin

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam33

Pamiatajecie vypusknika instytuta FSB, jaki raskatvaŭ pa Hrodnie sa ściaham Navarosii? Ciapier jon staŭ varšaŭskim biznesmienam

Hałoŭnaje
Usie naviny →

Zaŭvaha:

 

 

 

 

Zakryć Paviedamić