Biełaruski baskietbolny kłub tolki ŭ 35-m matčy zdabyŭ pieršuju pieramohu
«Takaja doŭhačakanaja… PIERAMOHA!», — nie chavajuć emocyj u telehram-kanale baskietbolnaha kłuba «Minsk», jaki siońnia ŭ matčy rasijskaj Lihi VTB pieramoh kazachstanskuju «Astanu» ź likam 60:58. Čakać hetaj pieramohi sapraŭdy daviałosia doŭha.
Dahetul «Minsk» stabilna tolki prajhravaŭ, i jahonaja sieryja atrymanych zapar paražeńniaŭ dasiahnuła 34 matčaŭ. Ciapier narešcie jaje ŭdałosia spynić, choć było heta i nialohka: apošniuju čverć matča supierniki vyjhrali ŭ pieravahaj u 8 ačkoŭ. Ale zroblenaha papiaredniaha zapasu ŭsio ž chapiła, kab taki davieści sustreču da pieramohi.
Ciapier kolkaść pieramožnych matčaŭ dla «Minska» ŭ sioletnim siezonie Lihi dasiahnuła zapavietnych 3%.
«Minsk» i «Astana» ciapier, darečy, adzinyja nierasijskija kłuby, jakija zastalisia hulać u rasijskaj Lizie VTB, jakaja zadumvałasia jak mižnarodnaja i ŭ jakoj raniej sapraŭdy hulali i navat pieramahali mocnyja kłuby z krain Uschodniaj i Centralnaj Jeŭropy.
Raniej biełaruski kłub, darečy, mieŭ admietnuju biełaruskamoŭnuju nazvu «Cmoki-Minsk», ale ŭ 2022 hodzie pamianiaŭ jaje na banalny «Minsk».
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary