Pryvatnaja stamatałohija raptoŭna paviedamiła, što z 1 krasavika prypyniaje pryjom klijentaŭ
U sacyjalnych sietkach pryvatnaj stamatałohii «Apriel» źjaviłasia paviedamleńnie, što z 1 krasavika klinika časova prypyniaje pryjom pacyjentaŭ. Klijentam prapanujuć pierazapisacca na maj, ale biez harantyi.
Pryvatnaja klinika «Apriel» akazvaje kompleksnaje stamatałahičnaje lačeńnie. Znachodzicca jana ŭ vioscy Karaloŭ Stan (9 kiłamietraŭ ad Minska ŭ napramku Nacyjanalnaha aeraporta). Pobač z klinikaj jość jaje mini-hatel, u jakim mohuć spynicca jak klijenty, tak i zvyčajnyja padarožniki. Darečy, hatel praciahvaje pracavać ŭ štatnym režymie.
U aficyjnym paviedamleńni pra prypynieńnie pracy stamatałohii ŭdakładniajecca, što kamanda robić usio mahčymaje, kab pryjom adnaviŭsia jak maha chutčej. Ale pryčyny takoj paŭzy nie paviedamlajucca. Supracoŭniki kliniki prapanujuć zapisacca na maj u list pieradzapisu.
Nakolki viadoma «Našaj Nivie», Ministerstva achovy zdaroŭja prypyniła licenziju «Apriel-klinik». Aficyjnaj infarmacyi pra heta niama ni na sajcie ministerstva, ni ŭ jaho telehram-kanale.
Paśla 2020 hoda anałahičnyja situacyi adbyvalisia nieadnarazova. Minzdaroŭja raptoŭna staviła na paŭzu pracu roznych pryvatnych miedcentraŭ — ad maleńkich i nie vielmi viadomych da hihantaŭ kštałtu «ŁADE». Viarnucca da pracy ŭ vyniku zmahli nie ŭsie.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary