Jakija pradukty najčaściej vyklikajuć batulizm 

Batulizm — heta vostraje infiekcyjnaje zachvorvańnie, vyklikanaje taksinam batulizmu. Jano vyjaŭlajecca ŭ atručvańni najmacniejšaj atrutaj, jakuju vypracoŭvaje bakteryja kłastrydyja batulizmu.

Hety mikraarhanizm moža apynucca ŭ chatnich kansiervach, u vendžanaj i vialenaj rybie, u kaŭbasie i viandlinie. Jad bakteryi paražaje niervovuju sistemu čałavieka, parušajučy niervova-myšačnuju dziejnaść, i pry adsutnaści svoječasovaj miedycynskaj dapamohi moža pryvieści da śmiarotnaha zychodu.

Dobraja navina ŭ tym, što niebiaśpieki dla navakolnych chvory čałaviek nie ŭjaŭlaje.

Jak raspaznać

Zapadozryć batulizm možna pa nastupnych prykmietach: suchaść u rocie, achrypłaść, huhniavaść, składanaści ŭ hłytańni, vadki stuł, młosnaść i/abo vanity.

Taksama pry atručvańni moža parušacca zrok. Naprykład, pierad vačyma źjaŭlajecca zasłona abo ŭ vačach dvaicca. Parušajecca taksama mimika (adbyvajecca parez nierva tvaru), stanovicca ciažka dychać. Pry mocnaj intaksikacyi čałavieka moža navat paralizavać.

Kali na praciahu troch sutak paśla ŭžyvańnia vendžaniny, kansiervaŭ abo chatnich narychtovak źjavilisia niejkija z hetych prykmiet, treba terminova źviarnucca da doktara.

Niebiaśpiečnyja pradukty

Bakteryi, jakija vyklikajuć batulizm, mohuć znachodzicca ŭ chatnich aharodninnych kansiervach, u časnaku i cybuli ŭ alei, u salonych i marynavanych hrybach, u roznych sousach, a taksama ŭ vialenym, vendžanym i słabasalonym miasie i rybie.

Cikava, što ŭ praduktach z ščylnaj kansistencyjaj (kaŭbasa, viandlina i da t.p.) batułataksin moža zapasicca nieraŭnamierna. Tamu byvaje tak, što zaražanuju kaŭbasu pajeła ŭsia siamja, a zachvareŭ chtości adzin.

Reč tolki ŭ ježy?

Bolšaść usich vypadkaŭ zachvorvańnia składaje charčovy batulizm. Ale taksama sustrakajecca dziciačy i ranavy batulizm.

Pieršy typ byvaje ŭ dziaciej va ŭzroście da 6 miesiacaŭ, kali jany ź ježaj prahłynajuć nie sam taksin, a jaho spory. Jon moža ŭtrymlivacca ŭ jahadnych i fruktovych piure, miodzie, vareńnie, a taksama ŭ lubych inšych praduktach, jakija nie byli termična apracavany. Paśla 6 miesiacaŭ kišačnik dziciaci, jak praviła, zdolny abaranić arhanizm ad rostu spor i bakteryj.

Ranavy batulizm raźvivajecca, kali batułataksin naŭprost traplaje ŭ adkrytuju ranu.

Simptomy hetych typaŭ zachvorvańnia takija ž, jak i ŭ charčovaha batulizmu.

Jak lačyć batulizm

Batulizm lečać tolki ŭ balnicy. Dla hetaha chvoramu pramyvajuć straŭnik, robiać klizmu, vyklikajuć uzmocnienaje mačavypuskańnie, a taksama abaviazkova ŭvodziać antybatulinistyčnuju syrovatku. Jak praviła, praciahłaść lačeńnia składaje minimum miesiac.

Kali chvarobu svoječasova vyjavić i pačać terapiju, u tym liku jak maha raniej uvieści syrovatku, prahnoz dosyć dobry: paśla niekalkich miesiacaŭ čałaviek całkam zdaravieje.

Ad stomy da śmiarotnaha zychodu

Zachvorvańnie niebiaśpiečna tym, što jano pryvodzić da słabaści ciahlic (ludzi skardziacca na mocnuju stomlenaść, im stanovicca składana ruchacca, a časam navat padymać i trymać hałavu) i da niedachopu pavietra, z-za taho, što čałaviek nie moža ŭdychnuć na poŭnyja hrudzi.

Kali batulizm nie lačyć, jon moža pryvieści da spynieńnia dychańnia.

Jak nie zachvareć

Najlepšaja prafiłaktyka batulizmu — užyvańnie ŭ ježu kansiervaŭ, kaŭbas, vendžaniny i inšych praduktaŭ tolki pramysłovaha padrychtoŭki.

Kali biez chatnich narychtovak nijak nie abyścisia, to varta prytrymlivacca nastupnych praviłaŭ:

• nie kuplać kansiervy z ruk i nie rabić zakatki z daŭno źniatych albo sapsavanych harodniny, sadaviny, jahad i hryboŭ;
• vielmi staranna myć ad ziamli jahady, sadavinu, harodninu i hryby;
• padtrymlivać čyściniu na kuchni;
• paśla ŭłovu rybu treba jak maha chutčej vytrybušyć, pramyć pad pratočnaj vadoj i zachoŭvać u chaładzilniku abo ladoŭni;
• kali jość mahčymaść prakipiacić abo prasmažyć kansiervavanyja pradukty, varta heta zrabić, tak jak na praciahu 20-25 chvilin takoj termičnaj apracoŭki batułataksin rujnujecca;
• nie jeści pradukty sa słoikaŭ, jakija nadźmulisia (heta tyčycca i sokaŭ u tietrapakach).

@nashaniva

♬ Donki, fun loop music playing in the supermarket(844392) - スキャット後藤

• 20
• 0
• 2
• 2
• 4
• 5
• 3
• 0