«Rasijanie chočuć zachapić da 9 maja Časaŭ Jar». Syrski — pra situacyju na froncie
Rasijskija vojski zasiarodžvajuć namahańni dla praryvu abarony na zachad ad Bachmuta, kab vyjści da kanała Sievierski Daniec — Danbas i zachapić Časaŭ Jar. Rasijskaje vajskovaje kiraŭnictva pastaviła zadaču ŭziać horad da 9 maja. Pra heta paviedamiŭ hałoŭnakamandujučy USU Alaksandr Syrski 14 krasavika.
«Vorah zasiarodžvaje namahańni dla praryvu našaj abarony na zachad ad Bachmuta, vychadu da kanała Sievierski Daniec — Danbas, avałodańni nasielenym punktam Časaŭ Jar, stvareńni ŭmoŭ dla dalejšaha prasoŭvańnia da Kramatorskaj ahłamieracyi», — havorycca ŭ paviedamleńni Syrskaha.
Jon piša, što vojska RF vykarystoŭvaje kolkasnuju pieravahu, a taksama «raznastajnyja matyvacyjnyja faktary, u tym liku i rasstreły».
Niekatorym padraździaleńniam rasijan udałosia vyjści na ŭskrainu horada: «asobnyja hrupy piachoty praciŭnika vyjšli ŭ mikrarajon «Novy», ale byli źniščany ŭdarami FPV-kamikadze i ahniom artyleryi».
«Pahroza zastajecca aktualnaj, z ulikam taho, što vyšejšaje rasijskaje vajennaje kiraŭnictva pastaviła zadaču svaim vojskam zachapić Časaŭ Jar da 9 maja», — piša Syrski.
Pa jaho słovach, dla ŭmacavańnia abarony ŭkrainskaje kamandavańnie na hetym kirunku ŭzmacniła bryhady: dali dadatkovyja bojeprypasy, drony, srodki REB.
Ciapier čytajuć
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach11
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary