«Žonka dla mianie — heta ŭsio». Budanaŭ raspavioŭ pra atručvańnie svajoj žonki
Kiraŭnika Hałoŭnaha ŭpraŭleńnia raźviedki Ukrainy Kiryłu Budanava žurnalisty BBC spytali pra zamachi na jaho i jaho žonku.
Raniej Budanaŭ raspaviadaŭ, što na jaho było kala dziesiaci zamachaŭ. Jon kaža, rasijanie i ciapier «płanujuć sioje-toje, ale, jak i ŭ minułyja razy, usio ŭ ich nie atrymajecca».
Žurnalisty spytali pra atručvańnie jaho žonki. Budanaŭ adkazaŭ, što stan jaje stabilizavaŭsia. Bolšuju častku taksinaŭ vyvieli.
Pra vyniki rasśledavańnia, pa jaho słovach, havaryć jašče rana, ale jon kaža, što vyniki abaviazkova buduć: «Heta maja žonka, tamu tak jano nie projdzie».
Žurnalist spytaŭ, ci nie byŭ sam Budanaŭ metaju atručvańnia.
Budanaŭ heta admaŭlaje.
«Nie, ich łohika zrazumiełaja — žonka dla mianie vielmi… Heta ŭsio. I ŭpłyŭ jaje jany pravilna acanili. Ale, jak bačycie, z nami Boh, i ničoha nie budzie», — adkazaŭ jon.
Pra atručvańnie žonki Budanava ciažkimi mietałami stała viadoma ŭ listapadzie 2023 hoda. «Hetyja rečyvy nijakim čynam nie vykarystoŭvajucca ŭ pobycie i vajennaj spravie. Ich najaŭnaść moža pakazvać na metanakiravanuju sprobu atručvańnia kankretnaha čałavieka», — adznačali ŭ raźviedcy.
Kirył i Maryjana Budanavy pažanilisia ŭ žniŭni 2013 hoda. U kastryčniku 2022 hoda Budanava dała intervju ŭkrainskamu časopisu Elle, u jakim raspaviała pra siabie. Jana paviedamiła, što pa adukacyi psichołah, z 2015-ha da 2017 hoda zajmałasia vałanciorskaj dziejnaściu ŭ hałoŭnym vajskovym špitali na Špitalnaj u Kijevie.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary