Vynieśli prysud pa spravie kradziažu srodkaŭ u dolščykaŭ ŽK «Hrušaŭski pasad»
Adnaho pasadzili, druhoha asudzili zavočna.
Zaviaršyŭsia praces pa spravie zabudoŭščyka staličnaha žyłoha kompleksu «Hrušaŭski pasad». Dyrektaru firmy «Žyłbudkamplekt» Illi Vołachu sud prysudziŭ 10 hadoŭ pazbaŭleńnia voli, a jaho namieśniku Alaksandru Zajcavu — 7 hadoŭ uzmocnienaha režymu, piša BiełTA.
Akramia hetaha, Vołachu dali štraf 200 tysiač rubloŭ, a Zajcavu — 120 tysiač. Abodva jany pazbaŭlenyja prava na piać hadoŭ zajmać kirujučyja pasady. Praŭda, pad vartaj znachodzicca tolki druhi fihurant, a kiraŭnika firmy-zabudoŭščyka sudzili zavočna, bo jon znachodzicca ŭ Polščy.
Sud pahadziŭsia z vysnovami śledstva, što zabudoŭščyk pryciahnuŭ ad dolščykaŭ bolš za 58 młn rubloŭ, jakich chapała na zaviaršeńnie budaŭnictva. Ale Vołach pry sadziejničańni Zajcava vyvieŭ z rachunkaŭ firmy kala 24 młn, jakija vydatkavaŭ na ŭłasnyja patreby.
U vyniku paciarpiełymi apynulisia 430 fizičnych asob i piać subjektaŭ haspadarańnia. A dabudoŭvać žyllo pryjšłosia staličnamu UKB «Zachad».
Raniej u Śledčym kamitecie paviedamili, što akruhovaja prakuratura ŭ Varšavie admoviła biełarusam u vydačy Vołacha, bo jon atrymaŭ polskaje hramadzianstva.
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1616
Kamientary