«Adčuj smak rodnaj movy». «Kamunarka» vypuściła cukierki «Rodnyja słovy»
«Kamunarka» prezientavała vypusk cukierak u novym dyzajnie — z arnamientam i biełaruskimi słovami. U ich instahramie — šalenstva ad zachapleńnia.
«My radyja prezientavać vam našy cukierki «Rodnyja słovy» — navinku, napoŭnienuju luboŭju da Biełarusi.
«Rodnyja słovy» — heta bolš, čym prosta cukierki. Heta pačastunak z asablivym sensam. My stvaryli ŭnikalny dyzajn etykietki: na kožnaj vy znojdziecie cikavyja biełaruskija słovy z unikalnym arnamientam. Heta mahčymaść pahłybicca ŭ pryhažość movy i tradycyj, prosta smakujučy lubimyja cukierki», — napisali vytvorcy.
Smak — hłazuravanyja cukierki z arachisam i viarškami.
Cukierki ŭžo ŭ prodažy ŭ firmovych kramach «Kamunarka» i pačynajuć pastupać u handlovyja sietki pa krainie.
Post pra navinku sabraŭ užo 1700 łajkaŭ. «Dziakuj za movu! Dziakuj za arnamient! Samaje pryhožaje słova — kachańnie!» — pišuć kamientatary i nazyvajuć svaje lubimyja biełaruskija słovy.
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary
Jak śmiełaści ci rozumu ŭ Hudvina paprasić.
Navošta ŭ nazvu cukierki pisać dvuchkaraniovyja słovy?