Siarod palitviaźniaŭ, jakija byli vyzvalenyja 11 vieraśnia — fiłosaf i mietadołah Uładzimir Mackievič, jaki z 2021 hoda adbyvaŭ prysudžany jamu 5-hadovy termin.
69-hadovy Uładzimir Mackievič — biełaruski fiłosaf, mietadołah, hramadska-palityčny dziejač, televiadučy. U svoj čas jon zasnavaŭ Ahienctva humanitarnych technałohij u Minsku, byŭ kiraŭnikom kansorcyuma «JeŭraBiełaruś» (2011—2016), inicyjataram prahramy «Latučy ŭniviersitet».
Pachodzić ź siamji, jakaja paciarpieła ad departacyj u Sibir. Vučyŭsia ŭ Leninhradskim dziaržaŭnym univiersitecie na fakultecie psichałohii, byŭ vučniem mietadołaha Hieorhija Ščadravickaha, udzielničaŭ u Maskoŭskim mietadałahičnym hurtku. Pracavaŭ u Litvie, Łatvii, Rasii, z 1994 hoda ŭ Biełarusi. Aŭtar i arhanizatar šmatlikich prajektaŭ u śfiery adukacyi, kulturnaj palityki, hramadzianskaj adukacyi.
U palityčnym žyćci byŭ členam Abjadnanaj hramadzianskaj partyi, aktyŭna ŭdzielničaŭ u demakratyčnych ruchach u Łatvii i Biełarusi, kansultavaŭ palityčnyja partyi, prafsajuzy, hramadskija arhanizacyi.
U žniŭni 2021 hoda byŭ aryštavany KDB Biełarusi i pryznany palitviaźniem. U červieni 2022 hoda Minski abłasny sud asudziŭ jaho na 5 hadoŭ pazbaŭleńnia voli za ŭdzieł u pratestach, stvareńnie «ekstremisckaha farmavańnia» i «abrazu Łukašenki».
Kamientary
eto kak-to pomohajet v vojnie ili niet?