Sony sastupiła karystalnikam paśla hrandyjoznaha skandału
Raniej kampanija ŭ pahoni za pakazčykami abmiežavała dostup da svajoj pradukcyi dla bolšaści krain śvietu.
Havorka idzie pra hulniu Helldivers 2, šutar ad treciaj asoby, dzie piakielnym desantnikam treba bicca ŭ bitvach hałaktyčnaj vajny na pavierchni inšych płaniet. Hulnia, raspracavanaja šviedskaj kampanijaj Arrowhead Game Studios, była vypuščanaja Sony Interactive Entertainment jašče ŭ lutym 2024 hoda.
Helldivers 2 atrymała stanoŭčyja vodhuki ad hulcoŭ i ahladalnikaŭ, a film «Zorny desant» 1997 hoda, čyju estetyku absurdnaha militaryzmu hulnia paŭtaraje, pieražyŭ usplosk prahladaŭ u anłajn-servisach.
Hetym pośpiecham vyrašyli skarystacca ŭ Sony, kab pavialičyć kolkaść karystalnikaŭ ułasnaj płatformy PlayStation Network.
U pačatku maja kampanija abviaściła, što dla hulni praz Steam budzie patrebnaja pryviazka da ŭlikovaha zapisu PlayStation Network navat dla hiejmieraŭ, jakija hulajuć na PK. Pavodle słoŭ Sony, pryviazka ŭlikovaha zapisu PSN nieabchodnaja dla zabieśpiačeńnia najlepšaj abarony ad niesumlennych hulcoŭ.
Arrowhead Studios adznačyła, što z 6 traŭnia ŭsie navički buduć abaviazanyja źviazać ulikovyja zapisy. Kali hetaha nie zrabić, to hulać dalej nie atrymajecca. Daŭnim hulcam davali adterminoŭku da 4 červienia.
Heta vyklikała chvalu abureńnia z boku hulcoŭ, bo, jak vyjaviłasia, u bolšaści krain śvietu PSN paprostu niedastupnyja, a sproby abyści rehijanalnyja abmiežavańni pryvodzili da błakirovak. Hulcy padniali sapraŭdy bunt suprać kampanii, abvaliŭšy rejtynhi hulni sa stanoŭčych da «vielmi admoŭnych».
5 maja Helldivers 2 źniali z prodažu ŭ Steam u bolš jak 170 krainach śvietu, u tym liku i Biełarusi. Kiraŭnik studyi Arrowhead Jochan Piłstet vybačyŭsia pierad fanatami, nazvaŭšy ichniuju krytyku apraŭdanaj.
Ale ŭžo 6 maja Sony Interactive Entertainment pajšła na sastupki hulcam i vyrašyła nie vypuskać abiacanaje abnaŭleńnie, jakoje pavinna było zapuścić praces abaviazkovaj pryviazki ŭlikovych zapisaŭ da PSN.
Piłstet u svaim zvarocie vykazaŭ zachapleńnie siłaj voli hiejmieraŭ i padziakavaŭ PlayStation za vyrašeńnie prablemy.
«Naša Niva» — bastyjon biełaruščyny
PADTRYMAĆ-
Ehaistyčnaja chramasoma ledź nie vyniščyła ludziej tysiačahodździ tamu. Padobna, jana viarnułasia — u marmonski štat Juta
-
Jak bot sa štučnym intelektam OpenClaw spačatku zachapiŭ śviet, a paśla trapiŭ pad zabarony i byŭ nazvany «kašmaram kibierbiaśpieki»
-
U Biełarusi prydumali, jak rabić žanočyja prakładki z kruchmału
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ18
Kamientary