Biełarusku va Ukrainie aštrafavali za praterminavany pašpart. Jana padała ŭ sud na mihracyjnuju słužbu i vyjhrała
Sud pryznaŭ, što žančyna nie parušyła zakon.
Hramadzianka Biełarusi žyvie va Ukrainie z 2008 hoda, u jaje dazvoł na pastajannaje pražyvańnie, jaki dziejničaje da 2033 hoda. Jašče ŭ 1999 hodzie jana vyjšła zamuž na ŭkrainca, u siamji dvoje dziaciej. Biełaruska pracuje na padjomnym kranie ŭ adnoj z ukrainskich kampanij, piša «Radyjo Svaboda».
U žniŭni 2023 hoda ŭ biełaruski skončyŭsia termin dziejańnia pašparta. A ŭ śniežni mihracyjnaja słužba Dnieprapiatroŭskaj vobłaści vypisała joj administraciŭku i štraf u 3400 hryŭniaŭ (80 jeŭra). Na dumku mihracyjnaj słužby, biełaruska parušaje zakon, kali žyvie na terytoryi Ukrainy biez sapraŭdnaha pašparta.
Biełaruska padała ŭ sud na mihracyjnuju słužbu. Jana zajaviła, što z-za vajennaha stanovišča i bajavych dziejańniaŭ u jaje niama fizičnaj mahčymaści źjeździć u Biełaruś i abmianiać pašpart. Žančyna padkreśliła, što nie parušała zakon, pakolki jaje dazvoł na pražyvańnie dziejničaje jašče dzieviać hadoŭ.
Mihracyjnaja słužba ŭ sudzie zajaŭlała, što spačatku biełarusku aštrafavali za paškodžańnie dakumienta ab PMŽ — raniej jany vydavalisia ŭ vyhladzie knižak, a nie płastyku. Taksama supracoŭniki mihracyjnaj słužby śćviardžali, što papiaredzili biełarusku ab nieabchodnaści abmienu pašparta, ale jana heta patrabavańnie, ź ich słoŭ, praihnaravała.
Adnak sud zaniaŭ bok hramadzianki Biełarusi. U rašeńni skazana, što žančyna žyvie va Ukrainie na zakonnych padstavach, pakolki jaje dazvoł na PMŽ sapraŭdy. Sud ličyć, što norma ab dziejnaści dakumientaŭ tyčycca mienavita PMŽ, a nie nacyjanalnaha pašparta zamiežnika.
Taksama ŭ rašeńni adznačajecca, što z-za vajny i faktyčnaj adsutnaści adnosin pamiž Ukrainaj i Biełaruśsiu ŭ žančyny niama fizičnaj mahčymaści zrabić novy pašpart. Sud admianiŭ administraciŭku i štraf biełaruski.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary