Tramp zajaviŭ, što bambiŭ by Maskvu, kali b Rasija ŭvarvałasia va Ukrainu pry jahonym prezidenctvie
Hetaja zajava, zroblenaja za začynienymi dźviaryma, ździviła niekatorych prychilnikaŭ.
Eks-prezident ZŠA Donald Tramp na zakrytaj sustrečy z donarami jahonaj pieradvybarnaj kampanii zajaviŭ, što bambiŭ by Maskvu, kali b Rasija ŭvarvałasia va Ukrainu pry jahonym prezidenctvie.
Taksama Tramp adznačyŭ, što bambiŭ by Piekin u vypadku kitajskaha ŭvarvańnia na Tajvań. Jak paviedamlaje The Washington Post, hetyja zajavy ździvili niekatorych prychilnikaŭ Trampa.
U apošni čas Tramp redka kranaje temy Ukrainy ŭ pieradvybarnaj kampanii. Raniej jon abiacaŭ, što skončyć vajnu za sutki, kali stanie prezidentam ZŠA. Žurnalisty taksama paviedamlali ab mirnym płanie Trampa, jaki praduhledžvaje admovu Ukrainy ad akupavanych Rasiejaj terytoryj. Paźniej štab Trampa nazvaŭ hetaje paviedamleńnie fejkavym.
Inšaja rezanansnaja zajava Trampa tyčyłasia jeŭrapiejskich sajuźnikaŭ u NATO: eks-prezident adnojčy zajaviŭ, što «dazvolić Pucinu rabić ź imi ŭsio, što jon zachoča, kali jany nie buduć vyłučać bolš srodkaŭ na abaronu».
U apošni čas Tramp aktyŭna zajmajecca zboram srodkaŭ na pieradvybarčuju kampaniju. Jon asabista sustrakajecca z donarami pa ŭsioj krainie, kab daviedacca ich mierkavańnie ŭ tym liku pa pytańniach źniešniaj palityki. Pa źviestkach presy, Tramp razdaje abiacańni bujnym donaram — naprykład, abiacaje źnizić padatki — i zapytvaje vialikija sumy hrošaj, jakija časam ździŭlajuć jaho prychilnikaŭ. Takija pavodziny rezka kantrastujuć z kampanijami 2016 i 2020 hadoŭ — tady Tramp udzielničaŭ u zbory srodkaŭ nieachvotna.
Analityki miarkujuć, što takim čynam eks-prezident choča kansalidavać svaich donaraŭ na fonie paviedamleńniaŭ, što mnohija sponsary Demakratyčnaj partyi skaračajuć padtrymku Džo Bajdena, nie vieračy ŭ jaho pieramohu. U krasaviku kampanija dziejnaha prezidenta ŭpieršyniu sabrała mienš, čym kampanija Trampa — 51 młn dalaraŭ suprać 90 młn.
Ciapier čytajuć
Zołkin pra Babaryku i Kaleśnikavu: Heta biełahvardziejskaja apazicyja, jak i Jašyn, i Kara-Murza10
Kamientary
(2014) i Bajden (2022) nijak zbrojna nie adreahavali. I pra "bambiŭ b
Maskvu" hučyć nadta papulistyčna.
Mienavita pry Trampu Ukraina sapraŭdy adčuła amierykanskuju padtrymku. A Bajden na pačatku lutaha 22-ha jasna pakazaŭ, što nie źbirajecca čaplacca z Pucinym za Ukrainu, bo zasiarodžany pierš za ŭsio na Kitai. I ZŠA tady dali sihnał Ukrainie: maŭlaŭ, vykonvajcie ŭmovy Rasiei, pakul nie pozna.
Dobra, što Zialenski tady ŭpieršyniu za svajo prezidenctva pakazaŭ jajcy.