Uradženca Pietrykava buduć sudzić adrazu pa dzieviaci pratesnych artykułach
5 červienia ŭ Homielskim abłasnym sudzie pačniecca razhlad kryminalnaj spravy ŭ dačynieńni da Dzianisa Žalazko.
Viadoma, što mužčynu abvinavačvajuć pa 9 artykułach Kryminalnaha kodeksa RB:
- častka 1 artykuła 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści),
- art.188 (paklop),
- č. 3 art. 203-1 (niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych),
- č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich),
- č. 1 i 2 art. 361-4 (sadziejničańnie ekstremisckaj dziejnaści),
- č. 2 art. 367 (paklop u dačynieńni Łukašenki),
- č. 1 art. 368 (abraza Łukašenki),
- art. 369 (abraza pradstaŭnika ŭłady),
- art. 369-1 (dyskredytacyja RB).
Spravu budzie razhladać sudździa Dźmitryj Kazłoŭ. Akaličnaści kryminalnaj spravy vyśviatlajucca pravaabaroncami. Apošni zapis na jaho staroncy ŭ fejsbuku byŭ zrobleny ŭ sakaviku 2022 h., piša «Viasna».
Dzianis Žalazko — uradženiec Pietrykava. Jon skončyŭ Biełaruski handlova-ekanamičny ŭniviersitet spažyvieckaj kaapieracyi, pracavaŭ u handlovym domie Rahačoŭskaha małočnakansiervavaha kambinata, jaki znachodzicca ŭ Homieli.
Kamientary