Pryznačany Rasijaj kiravać akupavanaj častkaj Zaparožskaj vobłaści Jaŭhien Balicki paviedamiŭ, što ŭ Maskvie płanujuć stvaryć novuju fiederalnuju akruhu, jakaje maje achapić usie akupavanyja Rasijaj ukrainskija terytoryi: Krym, Sievastopal, Danieckaja i Łuhanskaja «narodnyja respubliki», a taksama Chiersonskaja i Zaparožskaja vobłaści.
«Budzie stvoranaja fiederalnaja akruha, ja dumaju, heta pavinna być najbližejšym časam. Ja dumaju, heta buduć Danieck, Łuhansk, Zaparožskaja, Chiersonskaja vobłaści i Krym»,— skazaŭ Balicki dziaržaŭnamu rasijskamu ahienctvu «RIA Novosti».
Pavodle jaho infarmacyi, ciapier hetaje pytańnie prapracoŭvajecca ŭ Maskvie, a ŭ naźvie novaj akruhi moža być «Navarosija».
U 2014 hodzie, paśla anieksii Rasijaj Kryma, rasijskija ŭłady stvaryli było Krymskuju fiederalnuju akruhu, ale ŭ lipieni 2016-ha jaje skasavali, uklučyŭšy akupavany paŭvostraŭ u skład Paŭdniovaj fiederalnaj akruhi.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary