Navuka i technałohii22

Vučonyja abiacajuć, što nieŭzabavie ponačy budzie bačyć kožny čałaviek

Novaja zvyštonkaja plonka, prymacavanaja da linzaŭ akularaŭ, zamienić hruvastki prybor načnoha bačańnia.

Ilustracyjnaja vyjava, stvoranaja štučnym intelektam

Daśledčyki z Centra pieradavoha vopytu ŭ halinie transfarmacyjnych mietaaptyčnych sistem (TMOS) ARC u Aŭstralii znajšli sposab zabiaśpiečyć bačańnie ŭ ciemry biez dapamohi hruvastkich i darahich pryboraŭ načnoha bačańnia.

Jak paviedamlajecca na sajcie ŭstanovy, vučonyja stvaryli ultratonkuju plonku, jakaja moža być prymacavanaja da linzy ŭ zvyčajnych akularach.

Tradycyjny prybor načnoha bačańnia zasnavany na składanaj technałohii elektronna-aptyčnaha pieraŭtvareńnia. U takim prybory fatony śviatła spačatku prachodziać praz linzu abjektyva i traplajuć u elektronnuju trubku dla ŭzmacnieńnia vyjavy, jakaja składajecca ź dźviuch važnych častak.

Spačatku fotakatod pieraŭtvaraje fatony ŭ patoki elektronaŭ, jakija zatym pastupajuć u śpiecyjalny ŭzmacnialnik (mikrakanalnuju płaścinu), jaki pavialičvaje enierhiju, i elektrony dalej traplajuć na luminiescentny ekran (luminafor), na jakim uznaŭlajecca vyjava ŭ zialonym śpiektry.

Prybor načnoha bačańnia night-vision device Pribor nočnoho vidienija
Tradycyjnaja apracoŭka śviatła pryboram načnoha bačańnia. Fota: TMOS

Dla taho kab źnizić ciepłavy šum, tradycyjnyja prybory načnoha bačańnia patrabujuć kryjahiennaha achałodžvańnia. Usio heta robić ich ciažkimi i hruvastkimi.

Technałohija vučonych z Aŭstralii, pra jakuju jany raskazali ŭ artykule na staronkach časopisa Advanced Materials, zasnavanaja na vykarystańni mietapavierchniaŭ ź niabatu lityju, jakija zabiaśpiečvajuć bolš prosty šlach apracoŭki fatonaŭ śviatła.

Prachodziačy praź jaje, fatony pavialičvajuć svaju enierhiju i pierachodziać u śpiektr bačnaha śviatła biez taho kab pramiežkava pieratvaracca ŭ elektrony, jak u vypadku sa zvyčajnym pryboram načnoha bačańnia.

Takaja pavierchnia taksama nie maje patreby ŭ astudžvańni, kab źmienšyć «šum» i pavialičyć vyraznaść. Heta dazvalaje admovicca ad hruvastkaj miechaniki pryboraŭ načnoha bačańnia.

Novaja technałohija taksama fiksuje bačnaje i niabačnaje (ci infračyrvonaje) śviatło na adnoj vyjavie. U toj čas, jak tradycyjnyja sistemy načnoha bačańnia fiksujuć paralelnyja vyjavy kožnaha śpiektru, što nie dazvalaje stvarać identyčnyja vyjavy. U vyniku karystalnik atrymlivaje bolš jakasny vid taho, što adbyvajecca ŭ ciemry.

Pieraŭtvareńnie infračyrvonaha śviatła (VK) u bačnaje (VIS) z dapamohaj novaj stužki dazvalaje atrymać bolš vyraznuju vyjavu. Fota: materyjały artykuła

Raspracoŭščyki adznačajuć, što da hetaha ličyłasia, što pieraŭtvaryć infračyrvonyja vyjavy ŭ bačnyja z vysokim razroźnieńniem nielha z-za vuhłavych strat vialikaj kolkaści infarmacyi, jakija ŭłaścivyja niełakalnym mietapavierchniam. Ale jany zdoleli pieraadoleć hetyja abmiežavańni.

Aŭtary spadziajucca, što ich vynachodnictva budzie karysnym u roznych śfierach dziejnaści, ad nazirańnia i navihacyi da miedycynskaj dyjahnostyki, i adznačajuć, što pamianšeńnie pamieru i vahi technałohii načnoha bačańnia adkryvaje novyja mahčymaści dla industryi 4.0 i minijaciuryzacyi technałohij.

Kamientary2

  • Storož Ŝukaŕ
    07.06.2024
    Eto vam nie jabłoki po nočam tyriť v kołchoznom sadu. Eto sulit proryv.
  • Nie śpi
    07.06.2024
    A kažuć cudaŭ niama..., a ich robicca ŭsio bolš i bolš...
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija14

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Usie naviny →
Usie naviny

Zvalniajuć daradcu administracyi Trampa pa nacyjanalnaj biaśpiecy Majka Uołca8

Jakija karysnyja vykapni jość va Ukrainie?2

Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam43

Kampanija A1 zapuściła svajo taksi. Dzie ciapier tańniej?2

Litva i Polšča zdahnali Izrail pa VUP na dušu nasielnictva12

U Danii aŭtamabil urezaŭsia ŭ natoŭp ludziej — paciarpieli minimum 11 čałaviek1

Napali i paranili ŭkrainskaha błohiera Siarhieja Ściarnienku34

Azaraŭ: Dumaju, Mielnikava pajechała adpačyvać na Kubu37

Reanimatołah Martaŭ raskazaŭ, jak vyratavaŭ žančynu z čatyrma skraznymi ranieńniami serca5

bolš čytanych navin
bolš łajkanych navin

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija14

Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija

Hałoŭnaje
Usie naviny →

Zaŭvaha:

 

 

 

 

Zakryć Paviedamić