Biernd Štanhie: Zbornyja takich nievialikich krain, jak Hruzija, Słavakija, Słavienija, — prykład dla Biełarusi
Były hałoŭny trenier zbornaj Biełarusi Biernd Štanhie raspavioŭ, što praciahvaje sačyć za biełaruskim futbołam i bačyć jaho rehres.
«Zbornyja takich nievialikich krain, jak Hruzija, Słavakija, Słavienija [jany ŭdzielničajuć u čempijanacie Jeŭropie, što pačynajecca siońnia ŭ Hiermanii — NN], — prykład dla Biełarusi. Ja ŭspaminaju moj čas u vašaj zbornaj: my zmahalisia na roŭnych z Arhiencinaj, Hiermanijaj, pieramahali Francyju. Ciapier takija vyniki niemahčymyja:u matčach z top-supiernikami biełarusy prajhrajuć 0:3 ci 0:4.
Heta vielmi zasmučaje. Niadaŭna «maładziožka» sastupiła maltyjcam, a heta ž budučynia našaha… heta značyć vašaha futboła. Voś bačycie, ja pa-raniejšamu kažu «našaha». U mianie doma piać biełaruskich telekanałaŭ. (…) Baču tolki, što stanovicca ŭsio horš. Nie mahu zrazumieć čamu. Ja kožny hod źbiraŭ kanfierencyi dla trenieraŭ, zaprašaŭ aŭtarytetnych zamiežnych śpiecyjalistaŭ — takich jak Huus Chidynk. Moža, dla biełaruskich koŭčaŭ było sumna siadzieć na hetych mierapryjemstvach pa piać ci vosiem hadzin, jany kazali, maŭlaŭ, Štanhie znoŭ nas vučyć. Ale ŭ tyja hady vyniki byli najlepšyja: «maładziožka» prabivałasia ŭ finalnyja stadyi čempijanatu Jeŭropy, hulała na Alimpijadzie ŭ 2012 hodzie… Majo serca ŭsio jašče ŭ Minsku» — cytuje Štanhie «Priessboł».
Siońnia startuje čempijanat Jeŭropy pa futbole. Chto pieramoža?
U Ałbanii skandał z-za Jeŭra-2024: deputaty masava pajechali ŭ Hiermaniju na futboł i sarvali pracu parłamienta
Kanał STB niečakana paviedamiŭ, što pakaža ŭsie matčy čempijanatu Jeŭropy pa futbole
STB niama ŭ śpisie aficyjnych partnioraŭ UEFA pa pakazie matčaŭ Jeŭra-2024
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary