Rasija znajšła vinavataha ŭ krušeńni svajho ŭnikalnaha A-50U koštam $300 miljonaŭ
Śledčy kamitet Rasii i vajskovaja kontrraźviedka FSB paviedamili, što im udałosia vyśvietlić, chto mienavita źbiŭ jašče ŭ lutym unikalny samalot dalokaha radyjołakacyjnaha vyjaŭleńnia i kiravańnia A-50U Pavietrana-kaśmičnych sił Rasii. Za źniščeńnie samalota ŭ niebie nad Kubańniu ciapier šukajuć pałkoŭnika USU, piša «Kommiersant'».
Pakolki mašyna koštam bolš za $300 młn była atakavanaja ŭ niebie nad Rasijaj i niepasredna ŭ bajavych dziejańniach nie ŭdzielničała, a rasijanie ličać, što nijakaj vajny jany nie viaduć, to pa fakcie «nadzvyčajnaha zdareńnia» jany raspačali kryminalnuju spravu ab «terakcie».
Pa hetaj spravie ŭ vyšuk z nastupnym aryštam abvieščany kamandzir 138-j zienitnaj rakietnaj bryhady (vajskovaja čaść A4608) Uzbrojenych sił Ukrainy pałkoŭnik Mikoła Dziaman, padnačalenyja jakoha, jak śćviardžajecca, i vypuścili pa A-50U rakietu.
Chamoŭnicki rajsud Maskvy zadavoliŭ chadajnictva Hałoŭnaha vajskovaha śledčaha ŭpraŭleńnia SK Rasii i zavočna aryštavaŭ Mikołu Dziamana, jakomu inkryminujecca p. «b» č. 3 art. 205 KK RF (terarystyčny akt, jaki paciahnuŭ pryčynieńnie śmierci čałavieku). Jon abvieščany ŭ fiederalny vyšuk.
Pa viersii śledstva, 23 lutaha 2024 hoda pavietranuju prastoru Rasii nad Krasnadarskim krajem mirna patrulavaŭ samalot Pavietrana-kaśmičnych sił RF A-50U. A pałkoŭnik Dziaman, maŭlaŭ, uśviedamlajučy, što pavietranaje sudna nie pryznačana dla bajavych dziejańniaŭ i nie maje ŭzbrajeńnia, a palot prachodzić nad Rasijaj, addaŭ padnačalenym zahad ab jaho atacy. I hety rakietny ŭdar pryvioŭ da źniščeńnia samalota dy hibieli dziesiaci členaŭ ekipaža, jakija znachodzilisia na jaho borcie.
Samalot A-50 — pavietrany kamandny punkt, jaki rasijanie vykarystoŭvajuć dla dalokaha radyjołakacyjnaha vyjaŭleńnia, kiravańnia i naviadzieńnia dla ŭdaraŭ pa Ukrainie rakietami sa stratehičnaj avijacyi.
Takich samalotaŭ u RF usiaho niekalki štuk. Adzin ź ich byŭ mocna paškodžany 26 lutaha 2023 hoda na aeradromie ŭ Mačuliščach pad Minskam.
«Spracavali chirurhična». Kiraŭnik SBU pryznaŭ datyčnaść Ukrainy da paškodžańnia rasijskaha samalotu ŭ Mačuliščach
Rasija zabaraniła paloty samalotaŭ A-50 kala Ukrainy — brytanskaja raźviedka
Na źbitym u piatnicu rasijskim A-50 byli 10 čałaviek
U rajonie Azoŭskaha mora źbili jašče adzin rasijski samalot A-50
Jak ukraincy źbili rasijski samalot A-50 koštam $330 miljonaŭ
Hibiel A-50: jak USU mahli źniščyć rasijski latajučy radar?
Załužny paćvierdziŭ źbićcio rasijskich zvyškaštoŭnych samalotaŭ nad Azoŭskim moram
Ciapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?7
Kamientary
Fašisty 21 vieka!