U Biełarusi troch čałaviek abvinavacili ŭ padrychtoŭcy teraktaŭ na rasijskaj čyhuncy
HUBAZiK paviedamiŭ pra zatrymańnie žychara Bresta i dvuch rasijanaŭ, jakich zatrymali za sprobu rabavańnia doma biznesoŭca, ale pa vyniku abvinavacili ŭ padrychtoŭcy teraktaŭ na rasijskaj čyhuncy. Heta pakazali ŭ siužecie «Biełaruś 1», piša «Biełsat».
U siužecie pakazali frahmient pakazańniaŭ zatrymanaha minułaj vosieńniu 37-hadovaha žychara Bresta, jaki nibyta padpisaŭ ździełku sa śledstvam. Na im jon kaža, što ŭ 2013 hodzie zajmaŭsia pieravozkaj tavaraŭ va Ukrainu, dzie i paznajomiŭsia z hramadzianinam hetaj krainy, jaki paźniej staŭ «kurataram ukrainskich śpiecsłužbaŭ».
Pradstaŭnik Śledčaha kamitetu Biełarusi Dzianis Azaranka zajaviŭ, što zatrymany nibyta paznajomiŭsia z dvuma žycharami Rasii i damoviŭsia ź imi vykonvać zadańni ŭkrainskich śpiecsłužbaŭ.
U siužecie BT śćviardžajecca, što bieraściejec i rasiejcy vyrašyli naładzić sieryju teraktaŭ na rasijskaj čyhuncy. U lipieni jany nakiravalisia ŭ Bransk, dzie znajšli schovanku, ale ŭ joj byli mulažy, pakolki jaje da hetaha znajšli śpiecsłužby.
Zatrymali ich čamuści nie padčas uskryćcia schovanki, a paźniej, padčas sproby rabavańnia doma biźniesmiena.
U siužecie BT zajavili, što bieraściejec abvinavačvajecca pa piaci artykułach KK Biełarusi, «u tym liku razboj i teraryzm».
Infarmacyju pra abvinavačvańni na adras rasiejcaŭ nie ahučvali nibyta «ŭ intaresach śledstva».
Biełaruskija «rejkavyja partyzany» aktyŭna dziejničali ŭ pačatku poŭnamaštabnaj vajny va Ukrainie, kali ź Biełarusi na Kijeŭ išli rasijskija vojski. Ale «rejkavyja partyzany» tady nie padryvali ŭłasna rejki, a psavali techniku biez čałaviečych achviaraŭ.
Ciapier čytajuć
Alaksandra Šakucina adpuścili paśla troch sutak u SIZA6
Alaksandra Šakucina adpuścili paśla troch sutak u SIZA
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary