Dzieviać ź dziesiaci biełaruskich barcoŭ nie dapuścili da Alimpijady ŭ Paryžy
Biełaruskaja fiederacyja baraćby (BFB) zajaviła, što barcy nie dapuščanyja na Alimpijskija hulni rašeńniem Mižnarodnaha alimpijskaha kamiteta.
«Biełaruskaja fiederacyja baraćby ź vialikim škadavańniem paviedamlaje, što 9 z 10 barcoŭ, jakija adabralisia ŭ Paryž, nie voźmuć udzieł u Alimpijskich hulniach rašeńniem MAK. Heta niespraviadlivaje rašeńnie ŭ adnosinach da našych spartsmienaŭ. Usie spartsmieny da hetaha prajšli pravierki Mižnarodnaj fiederacyi baraćby (UWW) i byli dapuščanyja da kvalifikacyjnych turniraŭ, dzie jany ŭ sumlennaj baraćbie zavajavali prava być u liku ŭdzielnikaŭ Alimpijskich hulniaŭ. Abubakar Chasłachanaŭ stanie adzinym pradstaŭnikom biełaruskaj baraćby [na AH-2024]», — viadziecca ŭ zajavie BFB.
Raniej biełaruskija barcy ŭziali 10 niejmiannych licenzij na Alimpijadu, nahadvaje Trybuna.
Heta zrabili «volniki» Aryjan Ciutryn (da 57 kh), Mahamiedchabib Kadzimahamiedaŭ (da 74 kh), Alaksandr Huštyn (da 97 kh) i Dzianis Chramiankoŭ (da 125 kh), pradstaŭniki hreka-rymskaha stylu Kirył Maskievič (da 87 kh), Abubakar Chasłachanaŭ (da 97 kh) i Pavieł Hlinčuk (da 130 kh), a taksama Vaniesa Kaładzinskaja (da 53 kh), Iryna Kuračkina (da 57 kh) i Vieranika Ivanova (da 62 kh). Adnak, zychodziačy z zajavy BFB, z hetych 10 čałaviek dapuščany na AH tolki Chasłachanaŭ, a fiederacyja nie źbirajecca adpraŭlać na Alimpijadu tych, chto nie braŭ licenzii samastojna.
Nahadajem, MAK ličyć mahčymym udzieł u AH spartsmienaŭ ź Biełarusi i Rasii tolki ŭ statusie indyvidualnych niejtralnych atletaŭ (AIN) pry vykanańni šerahu patrabavańniaŭ, siarod jakich adsutnaść «aktyŭnaj padtrymki» vajny va Ukrainie, a taksama kantrakta z vajennymi abo siłavymi viedamstvami Biełarusi abo Rasii. Mahčymaść dopusku AIN da Hulniaŭ vyznačaje śpiecyjalna stvoranaja MAK kamisija.
Taja svaim pieršym rašeńniem dapuściła da AH šaściarych biełaruskich barcoŭ, ź jakich asabista ŭziaŭ pucioŭku tolki Chasłachanaŭ.
Chramiankoŭ, Hlinčuk i Ivanova byli prypisanyja da sportkamiteta Uzbrojenych sił, a Ciutryn, Kadzimahamiedaŭ, Maskievič, Kaładzinskaja i Kuračkina ŭvachodzili ŭ BFST «Dynama».
Alimpijskija hulni ŭ Paryžy startujuć roŭna praź miesiac, 26 lipienia. Raniej paviedamlałasia, što licenzii na Hulni-2024 zavajavali 28 biełaruskich spartoŭcaŭ (u Tokia-2021 brali ŭdzieł 109 biełaruskija atlety).
Na «Biełaruś-1» nazvali rašeńnie Sabalenki nie ŭdzielničać u Alimpijadzie niedalnabačnym
Biełaruscy dazvolili vystupać za Polšču na Alimpijadzie ŭ Paryžy
Na Alimpijadzie-2024 u Paryžy vystupiać maksimum 28 biełaruskich spartoŭcaŭ. I heta katastrafična mała
Za paŭtara miesiacy da Alimpijady ŭ Sienie vyjavili kišačnuju pałačku
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary