U krasaviku jaje asudzili da dvuch hadoŭ źniavoleńnia nibyta za supracoŭnictva z «Biełsatam».
Sudździa Viarchoŭnaha suda Siarhiej Huraŭ 28 červienia razhledzieŭ apielacyjnuju skarhu Nastaśsi Maciaš, piša BAŽ.
Skarhu vyrašana pakinuć biez zadavalnieńnia, a vyrak suda pieršaj instancyi — bieź źmienaŭ.
Pavodle prysudu, Nastaśsia Maciaš z červienia 2021 hoda da listapada 2023 hoda, «źjaŭlajučysia moŭnym kansultantam Polskaha telebačańnia «TVP», u skład jakoha ŭvachodzić polski telekanał «Biełsat tv Belsat», nieadnarazova na zahad kiraŭnictva «Biełsat», pryznanaha ekstremisckim farmavańniem, ažyćciaŭlała praviadzieńnie moŭnych kansultacyj, pierakład, karektavańnie, redahavańnie tekstaŭ, jakija ŭ dalejšym vykarystoŭvalisia ŭdzielnikami ekstremisckaha farmavańnia «Biełsat» dla ekstremisckaj dziejnaści, u tym liku šlacham stvareńnia i raspaŭsiudžvańnia z vykarystańniem srodkaŭ masavaj infarmacyi i sietki internet, a taksama vykonvała inšyja daručeńni pa ŭkazańni kiraŭnictva «Biełsat».
Za ŭdzieł u nibyta «ekstremisckaj dziejnaści» Maciaš nibyta atrymała «złačynny dachod» 40 000 polskich złotych, 12 258 dalaraŭ i 8575 jeŭra.
U vyniku jaje pryznali ŭdzielnicaj «ekstremisckaha farmavańnia» i pakarali dvuma hadami kałonii i štrafam 500 bazavych vieličyń (20 000 rubloŭ). U jaje taksama kanfiskavali kampjutar i mabilny telefon. Taksama ź jaje spahnana 102 415 rubloŭ i 12 kapiejek «u jakaści dachodu, atrymanaha złačynnym šlacham».
Svaju vinu Nastaśsia Maciaš nie pryznała.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary