Apazicyja zaklikała bajkatavać vybary, nazyvajučy ich cyrkam.
U druhim tury prezidenckich vybaraŭ u Iranie pieramoh refarmist Masud Piezieškijan, paviedamlaje Rasijskaja słužba Radyjo Svaboda.
Bolš libieralny Piezieškijan atrymaŭ bolš za 30,5 miljonaŭ hałasoŭ, jaho supiernik — prychilnik strohaj linii Said Džalili — bolš za 13,5 miljonaŭ.
U pieršym tury, jaki prajšoŭ tydzień tamu, pieravaha Piezieškijana składała mienš za miljon hałasoŭ. Žančynam i radykalnym apazicyjanieram bałatavacca zabaroniena.
U historyi Irana druhi tur prezidenckich vybaraŭ zdaraŭsia ŭsiaho raz — u 2005 hodzie. Prava hałasavać na prezidenckich vybarach mieli bolš za 61 miljon irancaŭ. Na ŭčastki ŭ piatnicu, 5 lipienia, pryjšła tolki pałova ź ich.
Ahienctva Mehr adznačaje, što hałasavańnie praciahvałasia na šeść hadzin daŭžej, čym praduhledžany Kanstytucyjaj 10-hadzinny pieryjad hałasavańnia.
Apazicyja zaklikała bajkatavać vybary, nazyvajučy ich cyrkam. U apošnija tydni irancy šyroka vykarystoŭvali chešteh #ElectionCircus u sacsietkach.
Pazačarhovyja vybary byli pryznačanyja paśla hibieli ŭ avijakatastrofie prezidenta Irana Ibrachima Raisi ŭ mai 2024 hoda.
Prezident u Iranie źjaŭlajecca kiraŭnikom urada ź vielmi abmiežavanymi paŭnamoctvami, ale jon usio ž taki moža ŭpłyvać na ton adnosin z zachodnimi krainami.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»5
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary
v nahłucho ludojedskoj, rielihiozno-tierrorističieskoj stranie i to choť kak-to sčitajut hołosa...
a v "cientrie jevropy" etoho nie diełajut diesiatiletijami.