Rasijski vajenpram surjozna zavinavaciŭsia Biełarusi. Nie dapamahajuć navat sudy
Najbolšaja suma praterminavanaj debitorskaj zapazyčanaści ŭ Biełarusi ličycca za pradpryjemstvami, padparadkavanymi Ministerstvu abarony. Kamitet dziaržaŭnaha kantrolu ŭ zaklučeńni ab vykanańni biudžetu za 2023 hod nazvaŭ troch najbujniejšych daŭžnikoŭ. «Fłahštok» dziakujučy Abjadnańniu byłych siłavikoŭ Biełarusi Belpol aznajomiŭsia z hetym dakumientam.
Suma praterminavanaj debitorskaj zapazyčanaści ŭ arhanizacyjach Ministerstva abarony na 1 studzienia 2024 hoda skłała 5 818 tysiač BYN (1,8 młn USD). Heta 51,3% ad usioj praterminavanaj debitorskaj zapazyčanaści pa srodkach respublikanskaha biudžetu.
Druhoje miesca pa sumie praterminavanaj debitorskaj zapazyčanaści zajmajuć arhanizacyi, padparadkavanyja Homielskamu abłvykankamu (3 113,2 tys. BYN, abo 27,5%).
U zaklučeńni Kamiteta dziaržkantrolu pryvodzicca padrabiaznaja charaktarystyka ŭtvareńnia praterminavanaj debitorskaj zapazyčanaści pradpryjemstvaŭ Ministerstva abarony. Akazałasia, što bolš za 90% praterminavanaj zapazyčanaści składajuć nieadpracavanyja ŭ damoŭny termin avansy, vypłačanyja vytvorcam z Rasijskaj Fiederacyi.
Za Ministerstvam abarony z 2019 hoda ličycca praterminavanaja zapazyčanaść u sumie 751 tys. BYN za apłačanyja, ale nie pastaŭlenyja
PAT «Tantał» (Rasija) mahnietronnyja impulsnyja ŭzmacnialniki. Miery dasudovaha i sudovaha charaktaru pa viartańni biudžetnych srodkaŭ stanoŭčych vynikaŭ da hetaha času nie prynieśli. U 2021 hodzie paśla zadavalnieńnia pazoŭnych patrabavańniaŭ Ministerstva abarony ŭklučana ŭ rejestr kredytoraŭ.
Praterminavanaja debitorskaja zapazyčanaść ahulnaj sumaj 647,9 tys. BYN naličvajecca ŭ suviazi ź nievykanańniem u poŭnym abjomie AT «Viertaloty Rasii» damoŭnych abaviazacielstvaŭ pa ramoncie asobnych vuzłoŭ techniki.
Hetaja praterminavanaja zapazyčanaść upieršyniu źjaviłasia ŭ listapadzie 2020 hoda.
Najbujniejšym pa vieličyni doŭhu kontrahientam źjaŭlajecca PAT «HZAS imia Papova» (Rasijskaja Fiederacyja).
Heta pradpryjemstva rasijskaha vajenpramu ličycca ŭ daŭžnikach ź listapada 2023 hoda ŭ suviazi ź niapoŭnym vykanańniem abaviazacielstvaŭ zhodna z apłačanym 60-pracentnym avansam u pamiery 3 342,4 tys. BYN. Pavodle damoŭlenaści, rasijskaje pradpryjemstva pavinna było vyrabić i pastavić ruchomy vuzieł suviazi.
Śpiecyjalisty Kamiteta dziaržkantrolu źviartajuć uvahu na toj fakt, što vynikam zatrymki vykanańnia abaviazacielstvaŭ rasijskim bokam źjaŭlajecca adciahnieńnie biudžetnych srodkaŭ ź finansavaha abarotu, što pryvodzić da niehatyŭnaha ekanamičnaha efiektu.
Ciapier čytajuć
Pamierła 45-hadovaja eks-palitźniavolenaja Tamara Karavaj. Letaś jaje vyzvalili pa pamiłavańni5
Kamientary