Hramadstva99

Supracoŭnica banka VTB z Žodzina atrymała vialiki termin pa palityčnaj spravie. Doma jaje čakaje niepaŭnaletni syn

Taćcianu Šynkievič vinavacili ŭ «raspalvańni sacyjalnaj varožaści hrupaj asobaŭ». Mahčyma, jaje sudzili za pieradaču źviestak u Čornuju knihu Biełarusi. Nahadvajem pra hetuju spravu i jak zrazumieć, što znachodzišsia ŭ niebiaśpiecy.

Taćciana Šynkievič. Fota sa staronki Ukantakcie

Taćcianie Šynkievič 41 hod. Rodam jana z Žodzina i, zhodna z bazami «Kibierpartyzanaŭ», apošnim časam tam i žyła. Spačatku Taćciana pracavała ŭ Delta Banku, ale paśla pierajšła ŭ Bank VTB, dzie pracavała pa stanie na 2020-y hod.

U Taćciany jość syn, jakomu ciapier kala dziesiaci hadoŭ. Nieŭzabavie adbudziecca sud z baćkam dziciaci, na jakim vyrašycca, z kim syn budzie žyć – imavierna, ciapier jon z baćkami žančyny.

Taćciana apošni raz vykładała fota ŭ sacsietki ŭletku 2022-ha, a jaje staronka Ukantakcie była anłajn uvosień 2023-ha. Jaje zatrymali pamiž hetymi datami.

Taćciana Šynkievič. Fota ź jaje staronki Ukantakcie

Sud na jon adbyŭsia 25 sakavika 2024 hoda, ale jaje asobu atrymałasia vyznačyć tolki zaraz dziakujučy prajektu DIT i bazam «Kibierpartyzanaŭ». Akaličnaści spravy nieviadomyja, ale abvinavačvali jaje pa č. 3 art. 130 KK — «raspalvańnie varožaści hrupaj asobaŭ». Apielacyja pa spravie prajšła 14 červienia 2024 hoda, prysud ustupiŭ u siłu.

Taćciana Šynkievič dakładna atrymała realny termin — ad 5 da 12 hadoŭ kałonii. U červieni 2024-ha jaje ŭnieśli ŭ śpisak terarystaŭ.

U pieršaj instancyi jaje sudziŭ Alaksandr Rybakoŭ ź Minskaha abłasnoha suda. Raniej jon byŭ staršynioj suda Łahojskaha rajona.

Alaksandr Rybakoŭ. Fota: «Dzikaje palavańnie»

Chutčej za ŭsio, kryminalnaja sprava Taćciany Šynkievič źviazanaja z telehram-kanałam Čornaja kniha Biełarusi (ČKB), jaki publikavaŭ piersanalnyja źviestki siłavikoŭ i čynoŭnikaŭ.

Nahadajem, u mai 2021-ha stała viadoma, što ź vieraśnia 2020-ha hałoŭnym redaktaram «Čornaj knihi Biełarusi» byŭ supracoŭnik HUBAZiK Artur Hajko. Tady heta prajšło mimachodam, bo mała chto zrazumieŭ realnuju niebiaśpieku, ale ŭ kastryčniku 2022-ha adbyŭsia vialiki skandał. Vyśvietliłasia, što ŭ siłavikoŭ jość telehram-akaŭnty ŭsich, chto pisaŭ u bot ČKB. A heta 10 tysiač akaŭntaŭ.

Artur Hajko, jaki bolš za dzieviać miesiacaŭ kiravaŭ Čornaj knihaj Biełarusi. Za heta jamu vydali miedal ad Łukašenki. Fota ANT

My praviali ekśpierymient, uziaŭšy dziesiać vypadkovych id akaŭntaŭ tych, chto pieradavaŭ źviestki ŭ ČKB. Atrymałasia deananimizavać dziesiać ź dziesiaci ludziej, i tolki dvoje ź ich byli za miežami Biełarusi, a adnaho ź ich asudzili, ale nie za pieradaču źviestak ČKB, a pa inšaj spravie — mahčyma, začapiŭšysia za toje, što jon pisaŭ u bot.

Kali vy pisali ŭ bot Čornaj knihi Biełarusi ŭ pieryjad ź vieraśnia 2020 da maja 2021, a tym bolš pieradavali tudy niejkija źviestki, to vy ŭ vialikaj niebiaśpiecy. Za heta vam moža pahražać da dvanaccaci hadoŭ kałonii.

Ciapier dakładna viadomyja proźviščy 35 ludziej, zatrymanych pa spravie ČKB. Ale ŭ śpisach pravaabaroncaŭ my naličyli bolš za dziesiać patencyjnych abvinavačanych pa spravie ČKB, tamu ličba blizkaja jak minimum da 50.

Heta byłyja siłaviki, dziaržsłužačyja i supracoŭniki roznych arhanizacyjaŭ, jakija pracavali ź piersanalnymi źviestkami. Usie jany asudžanyja pa č. 3 art. 130 KK na vialikija terminy.

«Naša Niva» — bastyjon biełaruščyny

PADTRYMAĆ

Kamientary9

  • Hańba
    11.07.2024
    Čarhovaja achviara Viačorki i jahonaha Infapointa. Ci jość chtości śmieły ŭ Litvie, kab padać u sud na hetaha dziejiača za takuju pracu ź piersanalnymi dadzienymi?
    Hetaha čałavieka treba sudzić za nachabny chliŭ biełarusaŭ naŭprost supracoŭnikam dyktatara.
  • Zbroja.
    11.07.2024
    U vialikaj niebiaśpiecy biełarusy tolki tamu što moŭčki siadziać i cierpiać. Za Volu!
  • Indiejec
    11.07.2024
    [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Labiedźka pra syna-palitviaźnia: Heta nie bravada, ja hatovy abmianiać siabie na jaho10

Labiedźka pra syna-palitviaźnia: Heta nie bravada, ja hatovy abmianiać siabie na jaho

Usie naviny →
Usie naviny

Tramp siońnia abvieścić pra novy płan uzbrajeńnia Ukrainy4

Zialenski źbirajecca pamianiać premjera i ministra abarony3

«Temu hienacydu biełaruskaha naroda prydumali rasijanie i padsunuli heta ŭ jakaści scenaryja dla mabilizacyi biełarusaŭ»8

U aeraporcie pad Łondanam raźbiŭsia pryvatny samalot

Nasielnictva Jeŭrasajuza pierasiahnuła 450 miljonaŭ čałaviek. Ale rost nie paŭsiul6

Sienatar Hrem anansavaŭ rekordnyja pastaŭki zbroi Ukrainie paśla zaŭtrašniaj zajavy Trampa14

U Minsku zakryłasia sietka biudžetnaha fastfudu1

Pry pajezdcy ź Biełarusi ŭ Polšču na miažy čakać tolki 6 hadzin, a nazad — sutki2

Biełaruska za svoj košt arhanizavała śviata ŭ rodnaj vioscy, jakaja amal vymierła. Pryjechali adnaviaskoŭcy navat ź Jeŭrasajuza21

bolš čytanych navin
bolš łajkanych navin

Labiedźka pra syna-palitviaźnia: Heta nie bravada, ja hatovy abmianiać siabie na jaho10

Labiedźka pra syna-palitviaźnia: Heta nie bravada, ja hatovy abmianiać siabie na jaho

Hałoŭnaje
Usie naviny →

Zaŭvaha:

 

 

 

 

Zakryć Paviedamić