«Zastalisia ŭtroch, praciahvajem vieści boj», — pryvodzicca źmiest apošniaj ich radyjohramy. Boj doŭžyŭsia šeść dzion.
PVK «Vahnier» paćvierdziŭ hibiel svaich bajcoŭ padčas bajoŭ u Mali, siarod zahinułych — kamandzir 13-ha šturmavoha atrada («hrupy Pruda») pryvatnaj vajennaj kampanii Siarhiej Šaŭčenka, piša RBK.
Bai išli z 22 pa 27 lipienia razam z uzbrojenymi siłami Mali ŭ vakolicach nasielenaha punkta Cin-Zaucin. Jak havorycca ŭ zajavie «Vahniera», u pieršy dzień udałosia źniščyć bolšuju častku paŭstancaŭ, ale potym apošnim udałosia pravieści pierahrupoŭku i naraścić svaju kolkaść da 1000 čałaviek na fonie piasčanaj bury.
Na dapamohu 13-mu šturmavomu atradu nakiravali dadatkovyja siły, sproby atak adbivalisia, ale tuarehi pavialičyli ich kolkaść, što paciahnuła straty z boku «Vahniera» i malijskich uzbrojenych sił.
PVK taksama pryvodzić apošniuju radyjohramu, jakaja pastupiła ad šturmavoj bryhady 27 lipienia: «Zastalisia ŭtroch, praciahvajem vieści boj».
Kałona vahnieraŭcaŭ trapiła ŭ zasadu tuarehaŭ u Mali
Stała viadomaja asoba vahnieraŭskaha błohiera Grey Zone z 550 tysiačami padpisčykaŭ, jaki zahinuŭ u Mali
U Mali ŭ zasadzie tuarehaŭ zahinuli bolš za 80 bajcoŭ PVK «Vahnier»
«Adpraviŭ mnie škury krakadziła». Maci zahinułaha ŭ Mali vahnieraŭskaha błohiera Grey Zone raskazała pra syna
Chto takija tuarehi, jakija razhramili kałonu vahnieraŭcaŭ? I za što jany vajujuć?
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie33
Kamientary