«Maja pieśnia siły, maja badzioraja štodzionnaja miedytacyja»: Hanna Šarkunova vypuściła novy trek
Śpiavačka Hanna Šarkunova prezientavała novuju pieśniu, jakaja nazyvajecca «Porach».
U svaim instahramie śpiavačka tak prakamientavała kampazicyju:
— Va ŭsie časy na našaj ziamli žyli hordyja, pryhožyja, volnyja žančyny — słaŭnyja dočki volnych plamionaŭ. Jakija zaŭsiody pieraadolvali lubyja vyprabavańni. I pieradavali ŭ spadčynu svaim dočkam vieru ŭ dabro i ahoń u serca. Heta maja pieśnia siły, maja badzioraja štodzionnaja miedytacyja!.. Napamin ab tym, što navat stojačy pierad pałajučym žarałom Viezuvija treba nie zabycca raspravić plečy i ŭpeŭniena i pryhoža hladzieć napierad. I tady ŭsio budzie ok… I niachaj dryžyć ziamla pad nahami!
Pasłuchać pieśniu možna na roznych anłajn-placoŭkach.
U 2020 hodzie Hanna Šarkunova padtrymała pratesty i napisała «Pieśniu ščaślivych ludziej». Paźniej artystka źjechała va Ukrainu, raźličvajučy, što zmoža viarnucca na radzimu praź niekalki tydniaŭ, kali ŭ rodnaj krainie ŭsio naładzicca. Paśla pačatku vajny Hanna evakujavałasia z Ukrainy razam z maleńkim synam. Ciapier artystka žyvie ŭ Dubai.
«Apakalipsis. Takaja pryhažość»: Hanna Šarkunova padzialiłasia ŭražańniami ad bury ŭ Dubai
Hanna Šarkunova: Ja tolki ciapier dazvoliła sabie žyć
«Daroha dadomu». Hanna Šarkunova zapisała novuju pieśniu
«Zaŭtra 8 Sakavika, a ŭ mianie pierad vačyma žančyny, jakija raźvitvajucca z mužami». Śpiavačka Hanna Šarkunova emacyjna napisała pra vajnu
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary
I pry hetym śpiavali i razmaŭlali jany nie na movie svaich vorahaŭ-maskoŭcaŭ,a pa-našamu,pa-biełarusku.Nu kali "naša ziamla" dla madam Šarkunovaj heta usio ž Biełaruś,a nie rasieja.