U Hrodnie skončyli restaŭracyju adnaho z samych vialikich arhanaŭ Biełarusi
Arhan u hrodzienskim Farnym kaściole adnaŭlali kala dvuch hadoŭ. U niadzielu 4 žniŭnia jaho ŭračysta aśviacić mitrapalit Minska-Mahiloŭski Juzaf Stanieŭski, piša hrodna.life.
Uračystaja słužba ŭ kaściole pačniecca ŭ 12.00. U čas jaje adbudziecca aśviačeńnie arhana. Paśla imšy možna budzie pasłuchać hučańnie adnoŭlenaha instrumienta.
Ramont arhana pačaŭsia vosieńniu 2022 hoda. Tady jaho amal całkam razabrali pa detalach, pakinuŭšy tolki karkas. Užo praz hod instrumient byŭ sabrany i pafarbavany nanova. Ciapier jon hučyć rehularna ŭ čas słužbaŭ i časam pamiž imi.
Adkryćcio prymierkavali da parafijalnaha śviata
Adkryćcio arhana paśla ramontu prymierkavali da śviata Maci Božaj Kanhrehackaj — jaje ikona ličycca siarod viernikaŭ cudatvornaj. Uračystaść hetaj ikony adznačajuć u Farnym kaściole štohod 3−4 žniŭnia. Sioleta ŭračystaść jubilejnaja — spaŭniajecca 360 hadoŭ z momantu, kali ikonu pieradali ŭ hrodzienski jezuicki kaścioł.
Što viadoma pra arhan z Farnaha kaścioła
Arhan u kafiedralnym sabory Śviatoha Francyska Ksavieryja — adzin z samych vialikich u Biełarusi. Jaho zrabili ŭ 1937 hodzie ŭ varšaŭska-vilenskaj firmie «Wacław Biernacki». U tyja časy heta była adna z troch najbujniejšych firmaŭ pa vytvorčaści arhanaŭ u Polščy. Jana vyrablali arhany dla mnohich saboraŭ i dla Varšaŭskaj i Krakaŭskaj kansiervatoryj.
Vierahodna, Biernacki razbudoŭvaŭ užo isnujučy raniej u Hrodnie arhan. Jość taksama haradskaja lehienda, što pačatkova hety arhan stajaŭ u Fary Vitaŭta i byŭ pieraniesieny ŭ kafiedralny sabor u čas Druhoj suśvietnaj vajny. Tam jaho nibyta raźmiaścili ŭ šafie ad papiaredniaha arhana. Heta moža paćviardžać nalepka ŭnutry arhana z paznakaj atrymalnika zakaza — «prob.par.wojsk.» — što aznačaje «nastajaciel vajskovaha prychoda». A Fara Vitaŭta ŭ mižvajenny čas była mienavita harnizonnym kaściołam.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»28
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary