Stali viadomyja padrabiaznaści terakta, jaki rychtavaŭsia ŭ Vienie na kancercie Tejłar Śvift
Teraryst, jaki rychtavaŭ ataku na kancercie Tejłar Śvift u Vienie, chacieŭ zabić jak maha bolš «niaviernych». Adnak dla hetaha jon nie źbiraŭsia pranikać na stadyjon, a chacieŭ zładzić «kryvavuju łaźniu» pierad uvachodam na mierapryjemstva, dzie pavinny byli sabracca fanaty śpiavački.
Jak piša BILD sa spasyłkaju na Heute, 19-hadovy aŭstryjec z paŭnočnamakiedonskimi karaniami Bieran A. zachoŭvaŭ doma palaŭničyja nažy, mačete, vybuchoŭku, detanatary, zbroju, 21 000 jeŭra falšyvych hrošaj i rečyvy, padobnyja na anabaličnyja steroidy.
A. pryznaŭsia ŭ zadumanym złačynstvie. Jak vyśvietlili aŭstryjskija śledčyja, za apošnija niekalki tydniaŭ jon pastupova adaptavaŭ svaju źniešnaść da typovaha abličča terarystaŭ «Isłamskaj dziaržavy». Jak paviedamili susiedzi vydańniu Kurier, jon adhadavaŭ hustuju baradu zusim niadaŭna.
Bieran A. prysiahnuŭ na viernaść ID 7 lipienia i apublikavaŭ adpaviednuju zajavu ŭ Telegram.
Kali 25 lipienia Bieran A. zvalniaŭsia z pracy na staleliciejnym zavodzie, jon skazaŭ byłym pracadaŭcam: «U mianie vialikija płany».
Pierad zvalnieńniem mužčyna mieŭ dostup u łabaratoryju pradpryjemstva, a značyć, vierahodna, da chimikataŭ, jakija jon moh vykarystoŭvać dla stvareńnia bomby.
Pa danych śledstva, Bieran A. hladzieŭ prapahandysckija roliki terarystyčnaj arhanizacyi i vyvučaŭ videainstrukcyi pa vyrabie bombaŭ.
Jaho płan byŭ zabić jak maha bolš «niaviernych». Adnak dla hetaha jon nie źbiraŭsia pranikać na stadyjon, dzie pavinien byŭ prajści kancert, a chacieŭ zładzić «kryvavuju łaźniu» pierad uvachodam na mierapryjemstva, dzie pavinny byli sabracca fanaty śpiavački, jakija nie zmahli dastać bilet. Dla hetaha jon mieŭ namier vykarystoŭvać mačete, nažy i bombu.
Kab zabiaśpiečyć sabie dostup da stadyjona, A. zachoŭvaŭ u svaim domie falšyvuju «mihciełku» i sirenu. Jak paviedamlaje Heute, jon źbiraŭsia prykinucca palicyjantam, zajechać u fanataŭ na mašynie, zatym nanieści ŭdary koluča-režučaj zbrojaj, a paśla padarvać bombu.
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»4
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1212
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch12
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary
Skazaŭ, što maje vialikija plany (pryznańnie ŭva ŭsich złačynstvach śvietu).
Hubaziki ŭsich dziaržabaŭ jadnajciesJa