Zialenski: Pucin pačaŭ z katastrofy «Kurska», i Kursk źjaŭlajecca jaho finałam
Prezident Ukrainy Uładzimir Zialenski apublikavaŭ viečarovy zvarot, u jakim jon vykazaŭsia pra apieracyju USU ŭ Kurskaj vobłaści. U im jon pryvioŭ paraleli pamiž dvuma roznymi Kurskami i losam Pucina.
«My bačym, jak Rasieja ŭ časy Pucina nasamreč ruchajecca: 24 hady tamu była katastrofa «Kurska» — simvaličny pačatak jahonaha kiravańnia. A ciapier vidać, što źjaŭlajecca finałam dla jaho. I taksama Kursk. Katastrofa jaho vajny.
Tak zaŭsiody byvaje z tymi, chto pahardžaje ludziami i lubymi praviłami. Rasieja pryniesła vajnu inšym — ciapier heta viartajecca dadomu.
Ukraina zaŭsiody chacieła tolki miru, i my abaviazkova mir zabiaśpiečym», — skazaŭ Zialenski.
12 žniŭnia 2000 hoda — roŭna 24 hady tamu — padčas vučeńniaŭ u Barancavym mory zatanuła atamnaja padvodnaja łodka «Kursk». Zahinuli ŭsie 118 čałaviek, jakija znachodzilisia na borcie. Pa aficyjnaj viersii, katastrofa adbyłasia z-za vybuchu bajavoj častki tarpiedy i nastupnaj detanacyi bojezapasu.
Praź miesiac u intervju viadučamu CNN Łary Kinhu na pytańnie «Raskažycie nam, što zdaryłasia z rasijskaj padłodkaj?» Pucin adkazaŭ: «Jana patanuła», čym šakavaŭ uvieś śviet.
-
Ukrainski F-16 źbiŭ rasijski Su-35 dziakujučy dapamozie šviedskaha samalota
-
Čały praanalizavaŭ detali ŭkrainskaj apieracyi «Pavucińnie» i pryjšoŭ da niečakanaj vysnovy
-
Rasija zajaviła ab uvarvańni ŭ Dnieprapiatroŭskuju vobłaść. Ekśpierty paćvierdzili bai ŭ niekalkich sotniach mietraŭ ad miažy rehijona
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi44
Kamientary