Śviet11

Bajden sustreŭsia z Kara-Murzoj u Biełym domie

Prezident ZŠA Džo Bajden pryniaŭ u Biełym domie rasijskaha apazicyjnaha palityka Uładzimira Kara-Murzu i jaho siamju, piša «Nastojaŝieje vriemia».

«Uładzimir pravioŭ dva z pałovaj hady ŭ niespraviadlivym źniavoleńni ŭ Rasii za toje, što vystupaŭ suprać vajny Rasii va Ukrainie. Siońnia jaho siamja znoŭ razam», — napisaŭ Bajden u sacsietcy X.

Dva tydni tamu, kali adbyŭsia maštabny abmien palitviaźniami, Uładzimira Kara-Murzu vyvieźli ŭ Hiermanii, a jaho siamja była ŭ Biełym domie i ŭ prysutnaści prezidenta ZŠA telefanavała z Avalnaha kabinieta baćku i mužu.

Uładzimir Kara-Murza byŭ prysudžany ŭ Rasii da 25 hadoŭ kałonii strohaha režymu. Jaho pryznali vinavatym u raspaŭsiudzie «fejkaŭ» pra rasijskaje vojska i dziaržaŭnaj zdradzie. Heta adzin z samych žorstkich prysudaŭ, vyniesienych palityčnym źniavolenym u sučasnaj Rasiei.

1 žniŭnia 2024 hoda Kara-Murza byŭ vyzvaleny ŭ ramkach vialikaha abmienu pamiž ZŠA, Rasijaj i inšymi krainami. Na pres-kanfierencyi paśla vyzvaleńnia palityk skazaŭ, što ni jon, ni Illa Jašyn, ni Andrej Pivavaraŭ nie pisali prašeńnia ab pamiłavańni. Palityk dadaŭ, što adnojčy płanuje viarnucca ŭ Rasiju.

U intervju ŭ intervju Washington Post Uładzimir Kara-Murza skazaŭ, što paśla padzieńnia pucinskaha režymu rasijskamu narodu treba budzie vialikaja praca nad pamyłkami.

U mai 2024 hoda palityk atrymaŭ Pulitceraŭskuju premiju za kałonki dla vydańnia. Arhanizatary premii adznačyli, što Kara-Murza pisaŭ kałonki, uśviedamlajučy ŭsiu niebiaśpieku, ale nastojvajučy na demakratyčnaj budučyni Rasii.

Kamientary1

  • Lavon
    16.08.2024
    Zaraz u Kurskaj vobłaści vyrašajecca los rasiejskaj apazicyi, bo źjaviŭsia kavałak rasiejskaj terytoryi, jaki nie kantralujecca Kramlom, i u jaki mahčyma adnosna biaśpiečna trapić i dzie mahčyma abvieścić stvareńnie časovaha ŭradu Volnaj Rasiei. Pa sutnaści - ZSU stvaryli dla rasiejskich libierałaŭ histaryčny šans zdiejśnić u Rasiei sapraŭdnaje dvajeŭładździe, pašyryć jaho i abrynuć Pucina. I jak hetym šansam karystajecca rasiejskaja apazicyja? Kara-Murza pryjechaŭ da Bajdena pasvtiakavać ułasnaje vyzvaleńnie, dzie raspaviadaje bajki pra padzieńnie režyma Pucina. A mienavita chto abrynie režym Pucina? Desant marsijan? Navat miedyjny radykał Panamaroŭ, jaki prypisvaje sabie ŭsiu rasiejskuju partyzanku - znachodzicca nieviadoma dzie.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Usie naviny →
Usie naviny

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj27

Jak za hod źmianilisia ceny na nieruchomaść u bujnych haradach. Stalica nie ŭ lidarach rostu

Miełoni i Makron pasvarylisia nakont Ukrainy. Mierc starajecca ich pamiryć5

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

bolš čytanych navin
bolš łajkanych navin

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Hałoŭnaje
Usie naviny →

Zaŭvaha:

 

 

 

 

Zakryć Paviedamić