Ź siońniašnaha dnia minskaje mietro pierajšło na zimovy hrafik pracy. Što heta aznačaje?
Stancyi buduć adkryty dla pasažyraŭ z 5:30 da 00:40.
Z paniadziełka Minski mietrapaliten pierajšoŭ na zimovy režym pracy, paviedamlajecca ŭ jaho telehram-kanale.
Na pieršaj i druhoj linijach intervał ruchu ciahnikoŭ u ranišnija hadziny «pik» (z 7:00 da 9:00) składaje 2 chviliny, a ŭ viačernija hadziny «pik» (z 17:00 da 19:00, u piatnicu — z 16:00 da 18:30) budzie 2,5 chviliny.
Na treciaj linii intervał ruchu ciahnikoŭ zastajecca raniejšym.
Raskład ruchu ciahnikoŭ da 6:00 i paśla 23:00 raźmieščany na infarmacyjnych doškach u kasavych załach i ŭ tarcach pasažyrskich płatform kožnaj stancyi.
Stancyi buduć adkryty dla pasažyraŭ z 5:30 da 00:40.
Viestybiul numar 1 stancyi «Kupałaŭskaja» (uvachod z boku vulicy Karła Marksa) adkryty dla pryjomu pasažyraŭ z 7:00 da 21:00.
Dla ažyćciaŭleńnia pajezdki ź pierasadkaj na stancyjach «Kastryčnickaja» — «Kupałaŭskaja», «Płošča Lenina» — «Vakzalnaja», «Frunzienskaja» — «Jubilejnaja płošča» pierad zakančeńniem raboty mietrapalitena, rekamiendujem prybyvać na pierasadačny vuzieł nie na apošnim, a na pieradapošnim ciahniku.
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES39
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary