Ukraincy prasoŭvajucca da rajcentra Vialikaje Sałdackaje — kurskija pabliki
Vajenkary zaklikajuć da evakuacyi. Što adbyvajecca na froncie?
U telehram-kanale «Sudža rodnaja» źjaviłasia infarmacyja ab tym, što rasijskija vojski kančatkova pakinuli siało Martynaŭka i viadziecca abstreł Vialikasałdackaha rajona. Vajenkary zaklikajuć nasielnictva rajona evakujavacca.
Martynaŭka — najbolšy nasieleny punkt miž rajcentrami Sudža i Vialikaje Sałdackaje. Jaho abaraniali čačency z «Achmata».
U svaju čarhu, telehram-kanał «Rybar» paviedamlaje, što pa stanie na 13 hadzin 21 žniŭnia, u Kurskaj vobłaści praciahvajucca ataki USU. Heta aznačaje, što ŭkraincy praciahvajuć cisnuć. Pry najmienšym pośpiechu rasijskaj armii «Rybar» akcentavaŭ by jaho.
Kali ŭ Hłuškoŭskim rajonie pakul nie było zaŭvažana sprobaŭ prasoŭvańnia, to ŭ Koranieŭskim rajonie USU viaduć nastup na rajcentr. Bai iduć taksama ŭ kirunku Maćviejeŭki, Alaksandraŭki i na zachad ad Snahaści.
U Sudžanskim rajonie, jak paviedamlaje Rybar, ukrainskija vojski zmahli prasunucca na ŭschod ad Martynaŭki.
U toj ža čas, rasijskija vojski praciahvać prasoŭvańnie na Pakroŭskim napramku na Danbasie. Jak paviedamlaje Hienieralny štab USU, za 20 žniŭnia tut adbyłosia 66 bajavych sutyknieńniaŭ.
Na Tareckim kirunku za minułyja sutki pry padtrymcy bambardzirovačnaj i šturmavoj avijacyi rasijanie ździejśnili 24 sproby prasunucca ŭ rajonach nasielenych punktaŭ Ńju-Jork, Nialipaŭka, Tareck i Zaliznaje.
Nastupalna-šturmavyja apieracyi rasijskija vojski pravodzili na Charkaŭskim, Kupianskim, Limanskim, Sivierskim, Kramatorskim napramkach. Hienieralny štab USU adznačaje aktyvizacyju voraha na Prydniaproŭskim kirunku.
Ciapier čytajuć
Pasadzili padpałkoŭnika i byłoha vykładčyka Vajskovaj akademii. Jon padtrymaŭ narod u 2020-m10
Kamientary