«Pryviet palityčnym prastytutkam». Bondarava najechała na Azaronka z-za adnaho prynazoŭnika
I abvinavaciła jaho ŭ falsifikacyi cytaty, a taksama ŭ parušeńniach praviłaŭ ruskaj movy.
Chałodnaja vajna pamiž dźviuma hrupami prychilnikaŭ Łukašenki praciahvajecca. Nie tak daŭno Azaronak abvinavaciŭ Bondaravu i jaje adnadumcaŭ u pracy na zachodnija vyviedki. Ciapier danosčyca sprabuje nanieści ŭdar u adkaz.
Bałazie nahodu dla krytyki prapahandyst STB daŭ sam. U telehram-kanale Azaronka napiaredadni viečaram źjaviłasia cytata praŭładnaj manaški Haŭryiły, jakaja vyrašyła parazvažać ab stanoviščy RPC va Ukrainie.
Nieviadoma, pisaŭ post Azaronak sam, ci jamu chtości dapamoh. Adnak u zahałoŭku cytata manaški vyhladała tak: «Ja chaču skazać toje, što adbyvajecca ciapier va Ukrainie z našaj kananičnaj carkvoj — heta samy spryjalny čas».
Aŭtar pasta parušyŭ «praviła», jakoje demanstratyŭna ŭžyvaje rasijskaja prapahanda — zamiest prynazoŭnika «na» ŭžyty prynazoŭnik «u».
Na heta i źviarnuła ŭvahu Bondarava. Da taho ž, jana zaŭvažyła, što sama Haŭryiła ŭ videa, prymacavanym da pasta, zvykła kaža mienavita «na», a nie «ŭ».
«Nie viedaju, chto viadzie kanał Azaronka, ale jon nie tolki parušaje praviły ruskaj movy, ale jašče i pierakručvaje cytatu matuški Haŭryiły, jakaja nidzie ŭ svajoj pramovie nie ŭžyła nazvu Ukrainy z prynazoŭnikam «u». Matuška kaža: «na Ukrainie». Pasłuchajcie sami, suhramadzianie.
Pryviet palityčnym prastytutkam (zakreślena) asobam ź nizkaj sacyjalnaj adkaznaściu», — napisała Bondarava.
Azaronak nieŭzabavie vypraviŭ prynazoŭnik u aryhinalnym paście. Ale reahavać na słovy Bondaravaj pakul nie staŭ.
Kamientary
Chaj zahryzucca hetyja abaroncy rasiejskaha.
Zrabić apytanku ŭ mesendžary - knyrovičy nakruciać vyniki, vybareferendum pravieści - jarmošyny novamatematykaj ašukajuć, paštovaje hałasavańnie - dempartyja nakidaje kapertaŭ.
Łady, žyvicie doŭha zdarovieńkija, ščaślivyja, maładyja, pryhožyja i bahatyja (tre adpaviedny zakon vydać, i helikopter kožnamu ministru finansaŭ - hrošy raskidać ludziam), a praz roznuju łuchtu nie svaryciesia.
×Pakazytała atamnym hrybočkam padpaški na raźvitańnie×